زاڭسىز اڭ اتقان زاڭگەرلەر ۇستالدى
بۇل جايىندا قازاقپارات ەلىمىزدىڭ باس پروكۋراتۋراسىنا سىلتەمە جاساپ حابارلايدى.
«4 -جەلتوقساندا قازاقستان رەسپۋبليكاسى باس پروكۋراتۋراسى ىشكى قاۋىپسىزدىك باسقارماسىنىڭ قىزمەتكەرلەرى قىزمەتتىك جاعدايىن اسىرا پايدالاندى جانە زاڭسىز اڭشىلىق جاسادى دەگەن كۇدىكپەن اقمولا وبلىسى پروكۋراتۋراسىنىڭ ءۇش جاۋاپتى قىزمەتكەرىن ۇستادى»، - دەلىنگەن تاراتىلعان اقپاراتتا.
ۆەدومستۆونىڭ اتاپ وتۋىنشە، قازىرگى ۋاقىتتا دالەلدەمەلەر جيناۋ جانە بەكىتۋ بويىنشا قاجەتتى تەرگەۋ ارەكەتتەرىنىڭ بارلىق كەشەنى جۇرگىزىلۋدە. ەگجەي-تەگجەيلى اقپارات، سونداي-اق تەرگەپ- تەكسەرۋدىڭ بارىسى ب ا ق- تا جاريالاناتىن بولادى.
اۆتور: مارلان جيەمباي
