قازاق اجەيمەن بىرگە ەكى اي بويى ءومىر ءسۇرىپ، قوي باققان شەتەل ازاماتى اسەرلەرىمەن ءبولىستى - فوتو
سوندا ءجۇرىپ كورگەن تاڭ قالدىرارلىق عۇرىپتاردى NUR. KZ پورتالى ۇسىنادى.
ورتالىق ازياعا ساياحاتتاپ جۇرگەن دەنيس الماتىعا كەلگەندە، ول تانىستارىنان بيباتيما باقسى تۋرالى ەستيدى.
ونىڭ ايرىقشا كىسى ەكەنىن ەستىگەن دەنيا باقسىمەن قالايدا جولىققىسى كەلەدى.
الماتى ماڭىنداعى ۇڭگىرتاس دەگەن جەردە تۇراتىن باقسىنىڭ ول وپ-وڭاي جەتكەنىمەن، قازاقستاننىڭ قاسيەتتى جەرلەرىن ارالاپ كەتكەن بيباتيمانى ول سونداعى جەراستى مەشىتىندە ءبىر اپتا بويى كۇتىپ، ازعانتاي عانا تىلدەسەدى دە، ەلىنە قايتىپ كەتەدى.
ءبىر اپتاعا كەتكەن اجەيدى سول ماڭعا قونىپ تۇرىپ، كۇتىپ جۇرگەن بۇرىنعى كەڭەس ۇكىمەتى حالىقتارىن كورگەندە، دەنيس تاڭدانىسىن جاسىرا الماعان.
حالىق اراسىندا «قاسيەتتى» دەپ اتالىپ كەتكەن ۇڭگىرتاس جەرىندە اجەيگە ءتۇرلى ماقساتپەن سان الۋان ادامدار تولاسسىز كەلەتىنىنە ول شىنىمەن تاڭ قالعان بولاتىن. اراعا ءبىر جىل ۋاقىت سالىپ، ول مۇندا قايتا ورالادى.
بۇل جولى ول ەكى اي بويى بيباتيمانىڭ جانىندا بولادى. ونىڭ ءتۇرلى عۇرىپتارىن باقىلاي وتىرىپ، ول بارلىعىن ءتۇرتىپ الادى. وسى ۋاقىت ارالىعىندا ول قوي باعىپ، باقسىنىڭ ەلدى قالاي ەمدەيتىنىن كورەدى.
ونى تاڭ قالدىرعان تاعى ءبىر جايت، ول اجەيدىڭ ايتقان اڭگىمەسى. بيباتيما وعان 11 جاسىندا پايعامبارلىق قاسيەت قونعانىن ايتىپ بەرەدى. سونىمەن بىرگە، ونىڭ قۇرباندىق شالۋ ءراسىمى دە شەتەلدىكتى قاتتى تاڭداندىرادى.
بيباتيمانى اۋليە سانايتىندار ونىڭ جانىنا جىلداپ قونادى ەكەن. ەمدەلۋشى باقسىعا ءبىر توقتى مەن قوشقار اكەلەدى.
ونى سويىپ، بيىككە ءىلىپ قويادى. ونىڭ استىنا ەمدەلۋشىلەردى تۇرعىزىپ قويىپ، قاندى سورعالاتىپ سولاردىڭ ۇستىنە اعىزادى. ونى بولعان سوڭ، ەمدەلۋشىلەر تاستاي بۇلاققا شومىلادى. وسىلايشا، بيباتيما ولاردىڭ بويىنداعى بارلىق كۇنانى جۋىپ-شايادى-مىس.
«بۇل مەن ءۇشىن كەرەمەت تاجىريبە بولدى. ءداستۇرلى قازاق تاربيەسى باتىس ەلدەرىنىڭ كوزىمەن قاراعاندا اسا قورقىنىشتى بولىپ كورىنۋى مۇمكىن.
ءبىراق، بۇل ماڭدا وعان ۇلكەن قۇرمەتپەن قارايدى»، - دەپ جازعان ول ءوزى باسىنان وتكەن سەزىمدەردى سوزبەن ايتىپ جەتكىزە المايتىنىن ايتادى.
