يتاليانىڭ پرەمەرى وتستاۆكاعا كەتپەك
رەفەرەندۋم بارىسىندا ول ۇسىنعان رەفورما ەل تۇرعىندارى تاراپىنان قولداۋ تاپپادى، دەپ حابارلايدى ر ي ا نوۆوستي اگەنتتىگى.
«ەرتەڭ مەن مينيسترلەر كەڭەسىن شاقىرامىن، سودان سوڭ كۆيرينال سارايىنا بارىپ، مەملەكەت باسشىسىنا وتستاۆكاعا كەتۋ تۋرالى ءوتىنىش بەرەمىن»، - دەدى رەنتسي رەفەرەندۋمنىڭ قورىتىندىسىنا بايلانىستى وتكەن باسپا ءسوز-ءماسليحاتىندا.
پرەمەر رەفەرەندۋمعا قاتىسقان بارلىق يتاليا ازاماتتارىنا العىسىن ءبىلدىردى. «جاعداي قالاي بولعان كۇندە دە مەن بارلىق ازاماتتارعا العىسىمدى بىلدىرەمىن. بىرنەشە مينۋتتاردان سوڭ مەن كيدجي سارايىنان تىكەلەي ەفيرگە شىعامىن» - دەدى رەنتسي ءوزىنىڭ Twitterدەگى ميكروبلوگىندا.
