بودەنەنىڭ جۇمىرتقاسى پايدالى ما؟
مامانداردىڭ ايتۋىنشا بودەنە جۇمىرتقاسى وتە پايدالى ءارى ديەتالىق تاعام تۇرىنە جاتادى. جۇمىرتقانى تۇراقتى جەيتىندەردىڭ يممۋندىق جۇيەسى قالپىنا كەلىپ، اعزاداعى راديكتيۆتى ساۋلەلەنۋ جويىلادى، ءومىرىڭىز ۇزارادى. ونى شيكىدەي ىشسە دە بولادى. ءتىپتى قىلاۋعا ۇشىرايمىن دەپ قورقۋدىڭ دا كەرەگى جوق.
بودەنە جۇمىرتقاسى بالالارعا وتە پايدالى كورىنەدى. ماسەلەن جاپونيادا مەكتەپ وقۋشىلارىنا تاڭەرتەڭ مىندەتتى تۇردە بودەنەنىڭ ەكى جۇمىرتقاسىن بەرەدى. ءتىپتى بۇل زاڭدى تۇردە تالاپ ەتىلەدى. ول بالالاردىڭ اقىل-ويىنىڭ تەز جەتىلۋىنە كومەكتەسەدى. وسىدان كەيىن جاپونداردىڭ نەگە تىم اقىلدى ەكەنىن تۇسىنەسىز.
بودەنە جۇمىرتقاسى قاريالاردىڭ ەستە ساقتاۋ قابىلەتىن جاقسارتادى. سەرگەك جۇرۋىنە سەپتىگىن تيگىزىپ، ەڭبەككە قابىلەتىن ارتتىرادى. شاشتىڭ ءتۇسۋى مەن ءتىستىڭ تەز ءشىرۋىن تەجەيدى.
جۇمىرتقادا ۆيتاميندەر، بيولوگيالىق بەلسەندى قوسپالار كوپ. اسىرەسە В1, В2 جانە D ۆيتاميندەرى جاعىنان تاۋىق جۇمىرتقاسىن باسىپ وزادى. مەشەل اۋرۋىنا بىردەن ءبىر ەم.
