استانادا قىسقى سپورت ماۋسىمى اشىلدى

شاڭعى جارىسىنا 270 ادام قاتىستى. استانا قالاسىنىڭ سپورت باسقارماسى سپورتتىق-بۇقارالىق شارالار وتكىزۋ ديرەكسياسىمەن جانە 2№ ب ج س م بىرلەسىپ ۇيىمداستىرعان شارا ەل تاۋەلسىزدىگىنىڭ 25 جىلدىعىنا ورايلاستىرىلعان.

«1985-جىلى اشىلعان شاڭعى روللەرلىك تراسسا - سپورتشىلار ۇناتاتىن ورىن. مۇندا جازدا ۆەلوسيپەدشىلەر مەن روللەرلەر، ال قىستا شاڭعىشىلار جينالادى. ءداستۇر بويىنشا شاڭعى-روللەرلىك تراسسادا قىسقى ماۋسىم شاڭعى جارىسىمەن اشىلادى. بيىلعى العاشقى جارىسقا قاتىسۋشىلاردىڭ جاسى ءار ءتۇرلى، بالالار دا ارداگەرلەر دە بار»، - دەدى سپورتتىق-بۇقارالىق شارالار وتكىزۋ ديرەكتسياسىنىڭ باسشىسى سايرامبەك ءابىلقايىروۆ.

قاتىسۋشىلاردىڭ جاس ساناتىنا قاراي جۇگىرۋ قاشىقتىعى دا ءارتۇرلى - 9 جاستان اسقان بالالار ءۇشىن - 60 مەتر، 2001-2002-جىلى تۋعاندار ءۇشىن - 3-5 كيلومەتر، ەرەسەكتەر ءۇشىن - 10 كيلومەتر. جارىس جەڭىمپازدارى مەن جۇلدەگەرلەرى كۋبوكتارمەن، مەدالدارمەن جانە ديپلومدارمەن ماراپاتتالدى. ايتا كەتەيىك، بۇگىن «ەكسپو» ۇ ك دا ءتۇرلى كونكۋرستار مەن ۆيكتورينالار وتكىزدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى