جاپوندىق مانەرلەپ سىرعاناۋشى دەنيس تەننىڭ «كوستيۋمىن» كيىپ شىقتى - فوتو، كەسكىن
وتكەن جىلى دەنيستىڭ شوۋى ءۇشىن قازاقستانعا جاپونيادان 200 تۋريستىڭ كەلۋگە دايىن ەكەنى حابارلانعان ەدى.
ال ميساكي ەبينا ازىرلەگەن دەنيس تەننىڭ بەينەسى بار ءبىر جارىم مەترلىك پاننو جاپونيانىڭ مۇراجايىنا قويىلدى. جاپونيا پرەمەر-ءمينسترى سيندزو ابە دەنيستى جاپونيا مەن قازاقستان اراسىنداعى دوستىقتىڭ سيمۆولى دەپ اتادى.
سونىمەن قاتار، دەنيس تەن انيمە فيلمدەردىڭ كەيىپكەرى بولىپ ۇلگەردى. ال جاقىندا جاپوندىق مانەرلەپ سىرعاناۋشى جانە دەنيستىڭ ونەرىنە تابىنۋشى 22 جاستاعى يۋۋحا كاۆامۋرا (Yuhka Kawamura) مۇز ايدىنىنا دەنيس تەننىڭ كوستيۋمىنىڭ كوشىرمەسىن كيىپ شىقتى. كاۆامۋرا قازاقستاندىق مانەرلەپ سىرعاناۋشىنىڭ قۇرمەتىنە ءوز قونجىعىن دەنيس تەن دەپ اتاعان جانە ونى دەنيسپەن بىردەي ەتىپ كيىندىرىپ، كەۋدەسىنە قازاقستاننىڭ تۋىن تىگىپ قويعان. 
سونداي-اق كاۆامۋرانىڭ ساتتىلىك اكەلەتىن بويتۇمارىندا جاپونيانىڭ ەمەس، قازاقستاننىڭ تۋى بار.
ءوزىن «كارىس ۇلتىنان شىققان قازاقپىن» دەپ اتاعان دەنيس تەن وزگە مەملەكەتتەردە قازاقستاندى جاقسى قىرىنان تانىتىپ كەلەدى، وعان جانكۇيەرلەردىڭ ىستىق ىقىلاسى كۋا. سپورتشىعا زور دەنساۋلىق جانە تولاعاي تابىستار تىلەيمىز.
I have a test of figure skate this weekend！
