ەكسپو- عا قاتىسقان تۇڭعىش قازاق تۋرالى سپەكتاكل قويىلادى

كورەرمەن نازارىنا كەزەكتى جاڭا پرەمەرانى ق. قۋانىشبايەۆ اتىنداعى مەملەكەتتىك اكادەميالىق قازاق مۋزىكالىق دراما تەاترىنىڭ ۇجىمى ۇسىنادى. قويىلىم قازاقستان رەسپۋبليكاسى تاۋەلسىزدىگىنىڭ 25 جىلدىعى اياسىندا وتەدى.

 1925 -جىلى پاريجدە وتكەن دۇنيەجۇزىلىك «ەكسپو» كورمەسىنە قاتىسقان تۇڭعىش قازاقتىڭ تاعدىرىنا ارنالعان تۋىندىنىڭ تابيعاتىندا توبىر مەن تۇلعانىڭ، ءومىر مەن ونەردىڭ، امانات پەن قيانات ۇعىمدارىنىڭ قاقتىعىسى كورىنىس الادى. كەيىس دۇنيەدەن بەرەكە تاپپاعان امىرەنىڭ - ءان- امىرەگە اينالىپ، ونەر كوگىنەن ءۇن قاتقانى باياندالادى.

سپەكتاكلدىڭ باس كەيىپكەرى «امىرە» بەينەسىن تەاتر ارتيستەرى قاسىمحان بۇعىباي مەن اسىلبەك قاپايەۆتار سومدايدى. پەسا اۆتورى - جازۋشى، دراماتۋرگ راحىمجان وتاربايەۆ. سپەكتاكلدىڭ قويۋشى رەجيسسەرى - ق ر ەڭبەك سىڭىرگەن قايراتكەرى، رەجيسسەر - نۇرلان جۇمانيازوۆ. سپەكتاكلدىڭ باس سۋرەتشىسى - بەرىك بۋربايەۆ. حورمەيستەرى - ق ر ەڭبەك سىڭىرگەن قايراتكەرى - امانتاي جۇماشيەۆ.

بۇل دراماتۋرگ ر. وتاربايەۆ پەن رەجيسسەر ن. جۇمانيازوۆتىڭ قاللەكي ساحناسىنداعى بىرلەسكەن ەكىنشى جۇمىستارى بولماق. بۇعان دەيىن «ناشاقورلار جايلى نوۆەللا» پەساسىنىڭ جەلىسى بويىنشا «كولەڭكەسىز جولاۋشى» اتتى درامانى دۇنيەگە اكەلىپ، بۇگىنگى تاڭعا دەيىن كورەرمەننىڭ سۇيىكتى قويىلىمدارىنا اينالعان ەدى.

سپەكتاكلدىڭ باستالۋى: ساعات 18.30-دا.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى