اپاتقا ۇشىراعان «پروگرەسس» عارىش كەمەسىنىڭ سىنىقتارى تابىلدى
ت ج م رەسمي وكىلى لۋيزا سيەۆيلدىڭ ايتۋىنشا، ۋلۋگ- حەمسك اۋدانىنىڭ جەرگىلىكتى تۇرعىنىنان توس- تەۆەك مەكەنىندەگى ەيليگ- حەم اۋىلىنان 15 شاقىرىم قاشىقتىقتا دوڭگەلەك ءپىشىندى مەتالل زاتتىڭ تابىلعانى تۋرالى اقپارات كەلىپ تۇسكەن. ءورت ءسوندىرۋ گارنيزونى جەدەل توبىنىڭ مالىمدەۋىنشە، تاۋ بوكتەرىندە ديامەترى 90 سانتيمەترلىك سىنىقتار تابىلعان. «پروگرەسس- م س-04» كەمەسىمەن بايلانىستى وقيعا بەيسەنبى كۇنى كەشكە ورىن العان. عارىش كەمەسى تۋۆانىڭ تۇرعىن جوق تاۋلى ايماعىندا اپاتقا ۇشىراپ، قۇرىلعىنىڭ كوپ بولىگى اۋادا جانىپ كەتكەن.
