الداعى ۋاقىتتا قازاقستاندا اياز كۇشەيەدى

قازگيدرومەتتىڭ جەلتوقسان ايىنا جاساعان بولجامىنا سايكەس وسى ايداعى اۋانىڭ ورتاشا تەمپەراتۋراسى باتىس قازاقستان، سولتۇستىك قازاقستان، اقمولا، پاۆلودار، اقتوبە مەن قوستاناي وبلىستارىنىڭ كوپ بولىگىندە نورمادان 1 °س تومەن، رەسپۋبليكانىڭ قالعان اۋماعىندا - نورماعا جۋىق بولادى دەپ كۇتىلۋدە. جاۋىن- شاشىننىڭ ايلىق مولشەرى: اتىراۋ، ماڭعىستاۋ،  قىزىلوردا وبلىسىنىڭ كەي جەرلەرىندە - نورمادان تومەن؛ باتىس قازاقستان، سولتۇستىك قازاقستان، اقمولا، پاۆلودار، اقتوبە مەن قوستاناي وبلىستارىنىڭ كوپ بولىگىندە، شىعىس قازاقستان، الماتى، جامبىل، وڭتۇستىك قازاقستان وبلىستارىنىڭ تاۋلى جانە تاۋ بوكتەرى اۋداندارىندا - نورمادان جوعارى؛ قالعان اۋماقتا - نورماعا جۋىق بولادى. «جەلتوقسانداعى قۇبىلمالى اۋا- رايى بەلسەندى سيكلونداردىڭ ءجيى وتۋىمەن جانە ولارعا قاتىستى بولاتىن اتموسفەرالىق فرونتتارمەن بايلانىستى بولىپ، ەلىمىزدىڭ سولتۇستىك جارتىسىندا قار جاۋىپ، جەل كۇشەيىپ، بۇرقاسىن تۇرادى، وڭتۇستىك جارتىسىندا تۇمان باسىپ، كوكتايعاق قۇبىلىستارى ورىن الادى. ال جەلتوقساننىڭ 5-8, 10, 13-16 - كەزەڭىندەگى سۋىق انتيتسيكلوننىڭ تارالۋىمەن - اشىق ءبىرقالىپتى ايازدى اۋا- رايى كۇتىلەدى»، دەلىنگەن حابارلامادا. كۇنىلگەرگى بولجام بويىنشا تاۋەلسىزدىك كۇنى مەرەكەسىندە اۋا تەمپەراتۋراسىنىڭ ەداۋىر تومەندەۋى كۇتىلۋدە، سول كەزدە تەرمومەتر باعانى: باتىستا 13-14 -جەلتوقساندا تۇندە 23 تەن 28 گە دەيىن، كۇندىز 17 دەن 22 گە دەيىن ايازدى؛ ەلىمىزدىڭ سولتۇستىگىندە، ورتالىعىندا جانە شىعىسىندا 14-16 -جەلتوقساندا تۇندە 25 تەن 33 كە دەيىن، كۇندىز 20 دان 25 كە دەيىن ايازدى؛ وڭتۇستىك پەن وڭتۇستىك- شىعىستا 15-16 جەلتوقساندا تۇندە 13 تەن 20 عا دەيىن، كۇندىز 8 دەن 13 كە دەيىن ايازدى كورسەتەدى. «ۇزاق مەرزىمدى بولجامعا سايكەس ايدىڭ ءۇشىنشى ون كۇندىگىندە اۋا تەمپەراتۋراسىنىڭ تومەندەۋى: سولتۇستىك جارتىسىندا تۇندە 30 دان 38 گە دەيىن اياز، كۇندىز 23 تەن 28 گە دەيىن اياز؛ وڭتۇستىك جارتىسىندا تۇندە 20 دان 25 كە دەيىن اياز، كۇندىز 13 تەن 18 گە دەيىن اياز كۇتىلۋدە» ، دەپ حابارلادى «قازگيدرومەت» ر م ك- ى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى