الەم مۇسىلماندارى قاسيەتتى قاعبانى جابىندىسىز كوردى

دەگەنمەن، سول جابىندى ماتانى (كيسۋا) جىلىنا ءبىر رەت زۋلحيدجا ايىنىڭ 9-10 كۇندەرىندە اۋىستىراتىنى جايلى اقپاراتتى كوبىنىڭ بىلە بەرمەسى انىق.

قاسيەتتى قۇران كارىمدە «جەر بەتىندەگى العاشقى ءۇي» دەپ ۇلىقتالعان قاعبانى جابۋلاپ قويۋ ءۇردىسى مۇحاممەد پايعامبارىمىزدىڭ (س. ع. س. ) زامانىنا دەيىن دە بولعان. ال، ءاز ەلشىنىڭ زامانىندا كيسۋا يەمەن ەلىندە دايىندالعان. كەيىننەن ومار (ر. ا. ) حاليفالىعى تۇسىندا كيسۋا مىسىر جەرىندە ازىرلەنىپ وتىرعان. سونداي- اق، اۋىستىرۋ ۋاقىتى دا ءارتۇرلى بولعان. مىسالى، ءال- مامۋن حاليفا كەزىندە قاعبا جابىندىسى جىلىنا ءۇش رەت جاڭارتىلسا، ءال- مۋتاۆاككيل تۇسىندا ءار ەكى اي سايىن اۋىستىرىپ وتىرعان.

جابىندى ماتانىڭ ۇزىندىعى - 41 مەتر. قارا ءتۇستى قاتتى ماتادان تىگىلەتىن جابىندى جالپى سەگىز بولىكتەن قۇرالادى. ماتا بەتىنە التىن جىپتەرمەن «ءالي يمران» سۇرەسىنىڭ «نەگىزىنەن، ادام بالاسى ءۇشىن مەككەدە العاش قۇرىلعان ءۇي - (قاعبا) بۇكىل الەمگە مۇباراك جانە تۋرا جول» اياتى جازىلعان. جانە دە قاسيەتتى قۇراننىڭ جەتى سۇرەسى جازىلعان.

تومەندەگى ۆيدەودا كيسۋا اۋىستىرۋ ءراسىمى كەزىندە بايقاۋسىزدا قاعبانىڭ «جالاڭاشتانىپ» قالعان ءساتى كورسەتىلەدى. بۇل وقيعا 2015 -جىلى ورىن العان بولاتىن.

muslim.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى