قازاقستاندا سپورتشىلارعا ىلەسىپ جۇرەتىن دارىگەرلەر تاپشى
كونفەرەنتسيا جۇمىسىنا قازاقستان، رەسەي، ۋكراينا، ليتۆا جانە وڭتۇستىك كورەيانىڭ سپورت مەديتسيناسى جانە وڭالتۋ سالاسىنداعى جەتەكشى ماماندار، سپورت فەدەراتسيالارى مەن ۇلتتىق كوماندالار، رەسپۋبليكانىڭ باسقا دا وڭىرلەرىنىڭ سپورت دارىگەرلەرى، الماتى قالاسىنداعى سپورتتىق ۇيىمدار وكىلدەرى، بارلىعى 90 عا جۋىق ادام جينالعان.
«ايتا كەتەيىك، ءبىزدىڭ ۋنيۆەرسيتەتتە جاقسى سپورت بازاسى بار. ءبىر جىل بۇرىن مەديتسينا فاكۋلتەتى اشىلعان. وسىعان بايلانىستى ءبىز مەديتسينا مەن سپورت سالاسىن بىرىكتىرۋدى ماقسات ەتتىك. الدىمىزدا تۇرعان بۇگىنگى مىندەت - سپورت مەديتسيناسى تاقىرىبىن تالقىلاۋ. ءبىز سپورت مەديتسيناسى ءار كافەدراعا بولىنبەي، تۇتاس بولۋىن، ياعني ءوزى ءبىر جۇيەگە اينالۋىن ءسوز ەتپەكپىز»، - دەدى جيىندا ءسوز العان ءال-فارابي اتىنداعى قاز ۇ ۋ مەديتسينا فاكۋلتەتىنىڭ دەكانى جاننا قالماتايەۆا.
كونفەرەنتسيادا سپورتتىق مەديتسينانى ۇيىمداستىرۋ جانە قۇقىقتىق قامتاماسىز ەتۋ، سپورتتىق مەديتسيناداعى كلينيكالىق زەرتتەۋ جانە فۋنكتسيونالدىق دياگنوستيكانىڭ قازىرگى زامانعى ادىستەرىنىڭ ءرولى، سپورتتىق مەديتسينانىڭ فارماكولوگياسى، سپورتتىق مەديتسينانىڭ دوپينگتىك ەمەس فارماكولوگياسى، سپورتتاعى تىيىم سالىنعان ادىستەر مەن قۇرالداردى پايدالانۋدىڭ قۇقىقتىق جانە كلينيكالىق اسپەكتىلەرى.
دوپينگ-باقىلاۋ، تاقىرىپتارى تالقىلانباق. «قازاقستانداعى سپورت مەديتسيناسى سالاسىندا سپورتشىلارمەن بىرگە جۇرەتىن دارىگەر مامانداردى دايارلاۋ، ولاردى وقىتۋ تەحنولوگياسى مەن جاڭا وقۋ تاسىلدەرىن ەنگىزۋدە كەمشىلىكتەر بار. بۇگىندە بۇل سالاعا قىزىعىپ كەلۋشىلەر از. ال، ەلىمىزدە اتالعان سالا ماماندارىنا دەگەن تاپشىلىق بار»، - دەدى فاكۋلتەت دەكانى ءوز ءسوزىن قورىتىندىلاعاندا.
كونفەرەنتسيا جۇمىسى ەكى كۇنگە سوزىلادى. بۇگىن بايانداماشىلار ءسوز السا، ەرتەڭ وڭتۇستىك كورەيادان كەلگەن ماماندار شەبەرلىك سىنىپتارىن وتكىزەدى.
اۆتور: الماس مۇقاش ۇلى
