اۋىل حالقى سپورت زالدارىنا تەگىن بارا الادى - مادەنيەت جانە سپورت مينيسترلىگى

وعان كەلىسىم بەرگەن اكىمدىكتەر دە جوق ەمەس، دەپ حابارلايدى قازاقپارات ءتىلشىسى «اشىعىن ايتۋ كەرەك، بۇگىندە اۋىلدىق جەردە مەكتەپتىڭ سپورت زالىنان باسقا سپورتپەن اينالىساتىن نىسان جوق. سوندىقتان ونداي زالدار بارىنە قولجەتىمدى بولۋى قاجەت. بىزدە بولسا، سول زالدى قايتا- قايتا جوندەمەي، تازا كۇيىندە ۇستايمىز دەپ، ساباق بىتكەن بويدا قۇلىپ سالىپ قويادى. ال اۋىل حالقى، ىشىندە سپورتپەن اينالىسامىن دەۋشىلەر بولسا دا، وعان كىرە المايدى. وسىعان بايلانىستى ءبىز ءبىلىم جانە عىلىم مينيسترلىگى مەن ۇكىمەت ارقىلى ءتيىستى كەڭەستەرگە قول جەتكىزدىك. سوعان سايكەس، ەلىمىزدەگى بارلىق سپورت نىساندارى، اسىرەسە، جوعارى وقۋ ورىندارى، كوللەدجدەر مەن مەكتەپتەر جانىنداعى سپورت زالدار جۇمىستان تىس ۋاقىتتا جەرگىلىكتى حالىق ءۇشىن اشىق بولۋى ءتيىس. ماسەلەن، سەنبى- جەكسەنبى كۇندەرى ول جەردە سان الۋان سەكسيالاردى ۇيىمداستىرۋعا بولادى. وسىنى اياعىنا دەيىن ىسكە اسىرا الساق، جاقسى بولار ەدى» - دەيدى ە. قاناعاتوۆ.

قازاقپارات تىلشىسىنە سۇحبات بەرگەن كوميتەت باسشىسى بۇگىندە اتالعان باستاماعا قولداۋ بىلدىرگەن وبلىستاردىڭ بار ەكەنىن جەتكىزدى. «قازىر  قىزىلوردا وبلىسىندا جانە تاعى بىرنەشە وڭىردە اكىمدەرمەن سونداي شەشىم قابىلداندى. نەگىزگى ماقسات - ينستيتۋتتار، كوللەدجدەر مەن مەكتەپتەر جانىنداعى سپورت زالداردى ساباقتان تىس ۋاقىتتا جەرگىلىكتى حالىققا ۇسىنۋ»، - دەيدى كوميتەت باسشىسى.

 اۆتور: ارمان اسقاروۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى