سۇڭقارمەن اڭ اۋلاۋ يۋنەسكو- نىڭ مادەني مۇرالار تىزىمىنە قوسىلدى

مۇنداي شەشىمدى ەفيوپيادا ماتەريالدىق ەمەس مادەني مۇرالاردى قورعاۋ جونىندەگى كوميتەت قابىلدادى، دەپ حابارلايدى قازاقپارات.

ايتا كەتەرلىگى، سۇڭقارمەن اڭ اۋلاۋ كوپتەگەن ەلدەردىڭ ۇلتتىق ويىندارى سانالادى. سوندىقتان دا سۇڭقارمەن اڭ اۋلاۋدى يۋنەسكو تىزىمىنە قوسۋدى قازاقستاننان بولەك بىرىككەن اراب امىرلىكتەرى، اۆستريا، بەلگيا، چەحيا، فرانسيا، گەرمانيا، ۆەنگريا، يتاليا، كورەيا رەسپۋبليكاسى، موڭعوليا، ماروككو، پاكىستان، پورتۋگاليا، كاتار، ساۋد ارابياسى، يسپانيا جانە سيريا اراب رەسپۋبليكاسى ۇسىنعان.

جوعارىدا ايتقانىمىزداي، سۇڭقارمەن اڭ اۋلاۋ كوپتەگەن ەلدەردە بار. ءبىراق بۇركىتپەن قويان نەمەسە تۇلكى الۋ - قازاقستاننىڭ ەرەكشە كاسىبى سانالادى.

 بۇعان دەيىن ەفيوپيانىڭ ادديس- ابەبا قالاسىندا وتكەن يۋنەسكو- نىڭ ماتەريالدىق ەمەس مادەني مۇرانى قورعاۋ جونىندەگى ۇكىمەتارالىق كوميتەتىنىڭ وتىرىسىندا قازاقستان ادامزاتتىڭ مۇراسى تىزىمىنە قوسۋ ءۇشىن سۇڭقارمەن اڭ اۋلاۋدى جانە قازاقشا كۇرەستى ۇسىنعانىن ءارى قازاقشا كۇرەس مادەني مۇرا تىزىمىنە ەنگەنىن حابارلاعان بولاتىنبىز.

ەسكەرتە كەتەرلىگى، تاياۋدا عانا ماتەريالدىق ەمەس مادەني مۇرا كوميتەتىنىڭ شەشىمىمەن يۋنەسكو تىزىمىنە 12 مۇرا ەنگىزىلگەن. ولاردىڭ قاتارىندا يوگا، سۇڭقارمەن اڭ اۋلاۋ، ناۋرىز مەيرامى، كۋبالىقتاردىڭ رۋمبا ءبيى، قازاقشا كۇرەس بار.

اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى