قازاق ەلىنىڭ كوشباسشىمەن، ال كوشباسشىنىڭ حالقىمەن باعى جاندى - رەسەيلىك ساراپشى
«كوپ ۇلتتى قازاقستان حالقىنىڭ باعىنا وسىنداي سارابدال كوشباسشى بۇيىردى، كوشباسشىنىڭ دا ونى تۇسىنەتىن، قابىلدايتىن جانە مودەرنيستىك ۇمتىلىستارىنا ۇنەمى قولداۋ بىلدىرەتىن حالقىمەن جولى بولدى. قازاقستان مەن نازاربايەۆ - ەگىز ۇعىمعا اينالدى»، - دەپ اتاپ ءوتتى گ. پرياحين.
ساراپشى باستامالارىنىڭ سىرتقى جانە ىشكى ءپىشىنى دە وزەكتى ءارى ءتيىمدى بولاتىن قازاقستاندىق جەتەكشىلىك يدەيالىلىعىن جوعارى باعالادى. سونىمەن بىرگە، ول قازاقستاندا جۇرگىزىلگەن سوت رەفورماسىن ۇناتاتىنىن ايتتى.
«قاراپايىم ادام سوتتان قورىقپاۋ كەرەك، كەرىسىنشە قورعانۋ ءۇشىن ءوزى سوندا بارۋ كەرەك. ماعان ەڭ ۇنايتىن تۇسى وسى»، - دەدى گ. پرياحين.
جاھاندىق باستامالار اراسىنان ساراپشى ەۋرازيالىق باستامانى ەرەكشە اتاپ ءوتتى. «بۇل باستاماعا تالاس جوق. بىرلىك ارقىلى عانا 21- عاسىرعا شىن مانىندە اياق باسا الامىز. بۇل ماسەلەدە نازاربايەۆ ەڭ كەمەڭگەر جاھانگەرلەردىڭ ءبىرى. وسى جولدا وعان ۇلكەن تابىستار تىلەيمىن! مىقتى دەنساۋلىق تىلەيمىن!»، - دەپ تولىقتىردى ول.
«قازاقستاندى تۇڭعىش پرەزيدەنت كۇنىمەن، تاۋەلسىزدىكتىڭ 25 جىلدىعىمەن قۇتتىقتايمىن»، - دەپ لەبىز ءبىلدىردى گ. پرياحين.
