ورالدا «ازاتتىقتىڭ اق تاڭى» اتتى رەسپۋبليكالىق اقىندار ايتىسى مارەگە جەتتى - فوتو

دەپ حابارلايدى قازاقپارات.

«قادىر جولى» جوباسى اياسىندا ۇيىمداستىرىلعان جىر دوداسىنا رەسپۋبليكا وڭىرلەرىنەن بارلىعى 18 اقىن قاتىسىپ، باق سىنادى.

ايتىستى جۇرگىزگەن بەلگىلى اقىن ءجۇرسىن ەرماننىڭ اتاپ وتكەنىندەي، بۇل سايىستىڭ ءبىر ەرەكشەلىگى، ءبىرقاتار جاس دارىنداردىڭ جارقىراپ كورىنگەنى بولدى. اسىرەسە، الماتى وبلىسىنان كەلگەن ايدانا قايساربەك تارازدىق نۇرلىبەك قۇرمانوۆپەن ءسوز سايىسىندا كەسەك- كەسەك ويلار ايتىپ، تاپقىرلىق تانىتتى.

سونداي- اق بۇرىننان تالاي ايتىستا بايگە الىپ جۇرگەن سەمەيلىك اسەم ەرەجە قىزى مەن اتىراۋلىق سىرىمبەك سارسەنبايەۆتىڭ، باتىس قازاقستاندىق جانسايا مۋسينا مەن شىمكەنتتىك داۋرەن اقساقالوۆتىڭ سايىستارى ادەمى ازىلدەرىمەن ەرەكشەلەندى.

ايتىس بارىسىندا تاۋەلسىز مەملەكەتتى قۇرۋداعى ەلباسى ەڭبەگى، ەل تاريحىنداعى ەرەن تۇلعالاردىڭ ەسىمدەرى، جەلتوقسان كوتەرىلىسى جانە باسقا اسا ماڭىزدى وقيعالار از ايتىلعان جوق. قازىرگى كەزدەگى كەيبىر كەلەڭسىزدىكتەر دە اقىنداردىڭ اۋزىنا ىلىكتى. وكىنىشكە قاراي، ايتىستى ورىنسىز سوزىپ، جۇرتتى جالىقتىرىپ العاندار دا بولماي قالعان جوق.

 اتاقتى ونەر تارلانى اسانالى ءاشىموۆ باستاعان قازىلار القاسىنىڭ شەشىمىمەن باس جۇلدەنى (1 ميلليون تەڭگە) استانالىق نۇرمات مانسۇروۆ يەلەندى. داۋرەن اقساقالوۆ ءبىرىنشى، جانسايا مۋسينا، اسەم ەرەجە قىزى جانە ايدانا قايساربەك ەكىنشى، سىرىمبەك سارسەنبايەۆ، نۇرلىبەك قۇرمانوۆ، باتىس قازاقستاندىق باۋىرجان شيرمەدين ۇلى، پاۆلودارلىق نۇرقانات قايرات ءۇشىنشى ورىنعا كوتەرىلدى.

 وعان قوسا تارازدىق دارحان ءابدىماناپوۆ، باتىس قازاقستاندىقتار اينابەك بيسەنعاليەۆ پەن تالعات مىقيعا وبلىس اكىمىنىڭ ارنايى سىيلىقتارى تابىس ەتىلدى.

ايتىستى تاماشالاعان وبلىس اكىمى التاي كولگىنوۆ قوس بىردەي مەرەكەگە وراي ەل كوڭىلىن ءبىر كوتەرىپ تاستاعان اقىندارعا ريزاشىلىعىن ءبىلدىرىپ، اق جايىق جۇرتشىلىعى اتىنان ج. مۋسينا مەن د. اقساقالوۆقا قوسىمشا 500 مىڭ تەڭگەدەن كوتەرمەلەۋ سىيلىعى بەرىلگەنىن جاريا ەتتى.

اۆتور: ەلجان ەرالى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى