تۇڭعىش پرەزيدەنتتى سارقىلماس قۋاتى ءۇشىن باۋىرلاس حالىقتار قۇرمەتتەيدى - بەلارۋس ەلشىسى
«قازاقستاننىڭ 25 جىلدىق مەرەيتويى قارساڭىندا ايرىقشا ءمانى بار مەملەكەتتىك مەرەكە - قازاقستان رەسپۋبليكاسىنىڭ تۇڭعىش پرەزيدەنتى كۇنىمەن شىن جۇرەكتەن قۇتتىقتاۋىمدى قابىل الىڭىز! بۇل كۇننىڭ جارقىن ساتتەر كۇنتىزبەسىنەن ورىن الۋى - قازاق حالقىنىڭ مەملەكەت بولىپ قالىپتاسۋىنداعى داۋىرلىك وقيعالاردىڭ، ماڭىزدى جەتىستىكتەر مەن ەلەۋلى تابىستاردىڭ دالەلى»، - دەلىنگەن قۇتتىقتاۋدا.
ەلشىنىڭ ايتۋىنشا، بۇل تابىستار ەلدىڭ تۇڭعىش پرەزيدەنتى، قازاقستان تاۋەلسىزدىگىنىڭ نەگىزىن قالاۋشى، ۇلت كوشباسشىسى نۇرسۇلتان ءابىش ۇلى نازاربايەۆتىڭ اتىمەن تىعىز بايلانىستى.
ونىڭ ابىروي-بەدەلى مەن اسقان جاسامپاز ەنەرگياسى باۋىرلاس حالىقتار مەن بارلىق الەمدىك قاۋىمداستىق تاراپىنىڭ شەكسىز قۇرمەت سەزىمىن تۋدىرادى. «قىمباتتى دوستار! بۇگىنگى مەرەكە كۇنى جارقىن بولاشاققا ۇمتىلعان جاس قازاقستان ءۇشىن كەۋدەلەرىڭىزدى ماقتانىش سەزىمى كەرنەسىن! جانۇيالارىڭىزعا باقىت، اماندىق-ساۋلىق، ال نۇرسۇلتان ءابىش ۇلى نازاربايەۆقا تەڭدەسسىز «ماڭگىلىك ەلدى» قۇرۋ جولىندا سارقىلماس شابىت پەن شىعارماشىلىق تابىستار تىلەيمىن»، - دەدى ا. نيچكاسوۆ.
