ۇلتتىق وليمپيادا كوميتەتى مينيستر مۇحامەدي ۇلىنا دوپينگكە قارسى ەرەجەلەردى ءتۇسىندىرىپ بەردى

دارىگەرلەردى، ءتىپتى سوعان جاۋاپتى مەملەكەتتىك ورگاندى جازاعا تارتۋ شاراسى زاڭدى تۇردە ەنگىزىلەدى» دەگەن مالىمدەمەسىنەن كەيىن ق ر ۇلتتىق وليمپيادا كوميتەتى قازىرگى دوپينگكە قارسى ەرەجەلەرگە تۇسىنىكتەمە بەردى.

مينيسترلىك كەلەسى جىلدان باستاپ دوپينگ ءۇشىن قىلمىستىق جازانى دا ەنگىزۋدى قاراستىرىپ وتىر. ۇ و ك مالىمەتىنە سايكەس، ەرەجە بويىنشا سپورتشىنىڭ اينالاسىنداعى ماماندارعا دا سانكتسيا سالۋعا بولادى. الايدا حالىقارالىق وليمپيادا كوميتەتى دوپينگ ءۇشىن قىلمىستىق جازانىڭ ەنگىزىلگەنىن قالامايدى، دەپ حابارلايدى قازاقپارات ءتىلشىسى.

بۇگىندە الەم بويىنشا سپورتتاعى دوپينگكە قارسى كۇرەس شارالارىنىڭ بارلىعى وليميادا حارتياسى، بۇكىل الەمدىك دوپينگكە قارسى كودەكس پەن دوپينگپەن كۇرەس جونىندەگى حالىقارالىق كونۆەنتسيا نەگىزىندە جۇرگىزىلەدى. سوڭعى قۇجاتقا قازاقستان وسىدان جەتى جىل بۇرىن قوسىلعان. حالىقارالىق وليمپيادا كوميتەتى بولسا، ءوز كەزەگىندە ءاربىر وليمپيادا ويىندارى كەزىندە دوپينگكە قارسى ەرەجەلەردى قابىلدايدى.

ويىندارعا قاتىساتىن ءاربىر سپورتشى، باپكەر مەن قىزمەت كورسەتۋشى توپ اتالعان ەرەجەلەردى ورىنداۋعا اۆتوماتتى تۇردە مىندەتتەلەدى. بۇدان بولەك، دوپينگكە قارسى بۇكىل الەمدىك كودەكس بار. وندا سپورتشىلاردىڭ سىنامالارىن 10 جىلدىڭ ىشىندە قايتا تەكسەرۋ شارالارى قاراستىرىلعان. وعان دەيىن بارلىق سىنامالار شۆەيتساريانىڭ لوزاننا قالاسىنداعى دوپينگ-زەرتحاناسىندا ساقتالادى.

دوپينگكە قارسى بۇكىلالەمدىك كودەكس العاش رەت 2003-جىلى قابىلدانىپ، 2004-جىلى افينادا وتكەن وليمپيادا ويىندارى كەزىندە كۇشىنە ەنگەن بولاتىن. سودان بەرى اتالعان قۇجاتتى ەكى رەت وزگەرتتى. سوڭعى نۇسقاسى ءۇش جىل بۇرىن بەكىتىلىپ، وتكەن جىلى كۇشىنە ەنگەن.

ءدال سول قۇجاتتىڭ رەداكتسياسىنا سايكەس، دوپينگ پايدالاعانى ءۇشىن سپورتشى عانا ەمەس، ونىڭ اينالاسىنداعى ادامادار - باپكەر، تەحنيكالىق پەرسونال، مەديكتەر جانە تاعى باسقا سپورتشىعا قىزمەت كورسەتەتىن ماماندار جاۋاپتى دەپ سانالادى. «قازاقستاننىڭ «سپورت جانە دەنەشىنىقتىرۋ مادەنيەتى تۋرالى» زاڭىندا دا سپورتشىمەن قاتار ونىڭ اينالاسىنداعى ادامداردىڭ جاۋاپكەرشىلىگى قاراستىرىلعان.

وسى زاڭدا «سپورتشىنىڭ ديسكۆاليفيكاتسياسى» دەگەن ۇعىمنان بولەك «سپورتتىق دارىگەر مەن باپكەردىڭ ديسكۆاليفيكاتسياسى» اتتى شارا، ياعني ادامدى كاسىبي قىزمەتىنەن شەتتەتۋ دە بار. ال وليمپيادا ويىندارىنا كەلەر بولساق، دوپينگ ەرەجەلەرىن بۇزعان سپورتشىلار مەن باسقا دا ادامدارعا قاتىستى سانكتسيا الدىمەن حالىقارالىق وليمپيادا كوميتەتى باستاماسىمەن قولعا الىنادى.

سونىمەن قاتار ناقتى ءبىر سپورت تۇرىنە جاۋاپ بەرەتىن حالىقارالىق فەدەراتسيا قوسىمشا سانكتسيالارىن ەنگىزە الادى. وسى ورايدا سپورتشىلاردىڭ دوپينگ پايدالانۋىنا سەبەپ بولعان جانە ونى جاسىرعان ازاماتتار سپورتشىعا قاتىستى جازادان دا قاتتى قۋدالانادى. الايدا ۆ ا د ا-نىڭ ءوزى دوپينگ ءۇشىن قىلمىستىق جازانى ەنگىزۋگە ءۇزىلدى- كەسىلدى قارسى»، - دەلىنگەن رەسمي حابارلامادا.

ۆادا كودەكسى بويىنشا قانداي دا ءبىر سپورتشى دوپينگپەن ۇستالعان جاعدايدا ءاربىر مەملەكەتتىڭ دوپينگكە قارسى ۇلتتىق ۇيىمدارى سول سپورتشىعا قىزمەت كورسەتەتىندەرگە قاتىستى تارتىپتىك جازانى قولدانا الادى. قازاقستاندا دوپينگكە قارسى ۇيىمنىڭ قىزمەتىن «دوپينگكە قارسى ۇلتتىق ورتالىق» ر م ق ك- سى اتقارادى.

ەرەجە بۇزىلسا، تارتىپتىك كوميسسيا قۇرىلادى. ونىڭ قۇرامىنا بەس ادام كىرەدى. ولار - ق ر مادەنيەت جانە سپورت مينيسترلىگىنىڭ دەنەشىنىقتىرۋ جانە سپورت ىستەرى جونىندەگى كوميتەتىنىڭ مۇشەسى، دوپينگكە قارسى زەرتحانانىڭ وكىلى جانە سپورتتىق مانسابىن اياقتاعان ءۇش سپورتشى. كوميسسيا ءتوراعاسى مىندەتىن كوميتەت مۇشەسى اتقارادى.

قازاقستان رەسپۋبليكاسىنىڭ دوپينگكە قارسى ەرەجەلەرىنە سايكەس، سول كوميسسيانىڭ شەشىمى نەگىزىندە سپورتشى، باپكەرلەر مەن باسقا دا ماماندارعا قاتىستى تارتىپتىك جازا قولدانىلادى. دەگەنمەن، قر ۇلتتىق وليمپيادا كوميتەتىنىڭ مالىمەتىنە سايكەس، «بۇگىندە قازاقستاننىڭ دوپينگكە قارسى جۇيەسىن حالىقارالىق تالاپتار ساي ەتىپ جاساقتاۋ جۇمىستارى اتقارىلىپ جاتىر». سونىڭ نەگىزىندە دوپينگكە قارسى ەرەجەلەرگە وزگەرىستەر ەنگىزىلەدى دەگەن جوسپار بار.

اۆتور: ارمان اسقاروۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى