بەردىبەك ساپاربايەۆتىڭ قىزمەتىنە ءتانتى بولعاندار اكىمگە جۇرەك سىيلادى - فوتو
مەملەكەتتىك باعدارلاما ارقىلى 25 وتباسى جالعا بەرىلەتىن تۇرعىن ۇيدەن باسپانالى بولدى. پاتەر كىلتىن وبلىس اكىمى تابىس ەتىپ، جاڭا قونىستارىمەن قۇتتىقتادى.
بۇل تۋرالى NUR. KZ ءتىلشىسى حابارلايدى.
اكىم مەرەكە كۇنى قالالىق مۇگەدەكتەردى قولداۋ ورتالىعىنىڭ مۇشەلەرىن قۇتتىقتاپ، مۇگەدەكتەردى تاسۋعا ارنالعان كولىك سىيلادى.
«مەكەمەلەرىڭىزگە «ءومىر. تاعدىر. شەشىم» دەگەن جاقسى ءسوز جازىپ قويىپسىزدار. ادام قولىنان كەلەتىن ىسپەن ەڭبەك ەتۋ كەرەك. تاعدىردى جەڭە بىلگەندە عانا جاقسىلىققا جەتەمىز. ءبىز ءبارى جاقسى، ءبارىن قاتىرىپ جاتىرمىز دەپ ايتا المايمىز. ءبىراق، مۇمكىندىگىنشە سىزدەرگە قولداۋ كورسەتەمىز. مەملەكەت باسشىسىنىڭ ساياساتىن سىزدەر جاقسى بىلەسىزدەر. بىزدە 20 مىڭنان اسا مۇگەدەك بار»، - دەدى اقتوبە وبلىسىنىڭ اكىمى بەردىبەك ساپاربايەۆ.
قالاداعى سال اۋرۋلارىن قولداۋ ورتالىعىنىڭ باسشىسى قۇرالاي بايمەنوۆا 10 جىل بۇرىنعى بەردىبەك ساپاربايەۆتىڭ اقتوبەگە ءىس ساپارىنان تۇسىرىلگەن سۋرەتتەردى كورسەتتى. وبلىس باسشىسى مۇگەدەكتەر ءۇشىن ارنايى سالىنعان 40 پاتەرلى تۇرعىن ءۇيدى ارالاپ شىقتى.
اكىمنىڭ اكسياسىن جالعاستىرعان اقتوبەلىك كاسىپكەر مۇگەدەك بالاعا كومپيۋتەر تارتۋ ەتتى.
«حالىقتىڭ بەرگەن باعاسى جوعارى باعا. اللا سىزگە قۋات بەرسىن! مەن انا رەتىندە مۇمكىندىگى شەكتەۋلى جاندارعا كورسەتىپ جاتقان كومەكتەرىڭىزگە العىس ايتامىز. ەلباسىنىڭ قاسىندا ءسىز سياقتى ادامدار كوپ بولۋ كەرەك. ءبىز سىزدەردىڭ كومەكتەرىڭىز ارقىلى تاۋەلسىزدىكتى سەزىنىپ وتىرمىز. وزىنە كورسەتىلىپ جاتقان كومەكتى سەزىنگەن بالام قوعامدىق جۇمىستارعا بەلسەنە ارالاسادى»، - دەيدى اتا-انا.
«بىزدە قولونەر بۇيىمدارىن تىگەتىن ادامدار بار. سىزگە سولاردىڭ قولىنان شىققان جۇرەك سىيلايمىز. جۇرەكتەن ارتىق نە بەرۋگە بولادى؟! حالىقتىڭ تىلەگىن ورىنداۋشى ەلىمىزدىڭ جۇرەگى بولىڭىز»، - دەدى قۇرالاي بايمەنوۆا.
