نازاربايەۆ بالاندينگە: الدىڭدا ءالى تالاي وليمپيادا بار

ولاردىڭ قاتارىندا قازاقستان تاريحىندا جۇزۋدەن ەڭ ءبىرىنشى بولىپ وليمپيادا چەمپيونى اتانعان دميتريي بالاندين دە بولدى.

«ەكى جىل بۇرىن، وليمپيادا الدىندا استاناعا تەك باعالى مەتالل اكەلۋ ءۇشىن بارلىعىن جاسايتىنىمىزدى ايتقان ەدىم جانە ءسىزدىڭ قولداۋىڭىزدىڭ ارقاسىندا بۇل ءبىزدىڭ قولىمىزدان كەلدى. ءسىز قازاقستانداعى سپورتتىڭ دامۋى ءۇشىن ءبارىن جاساۋدامىز. سونىڭ ارقاسىندا بىزدە الەمدىك سپورتتىق ارەنادا ناتيجەلەرىمىز جاقسارىپ قانا قويماي، سالاۋاتتى ءارى قۋاتتى بۋىن ءوسىپ كەلەدى. مەن جەڭىسىمنىڭ ۇلتتىق قۇراما قورجىنىنا ەنگەنىنە قۋانىشتىمىن. ءبىراق، قول جەتكىزگەن جەتىستىگىممەن توقتاماي، جاتتىعۋىمدى جانداندىرا تۇسۋدەمىن. ويتكەنى، بولاشاقتا دا ءسىز سياقتى قازاقستاننىڭ اتىن بۇكىل الەمگە تانىتقىم كەلەدى»، - دەدى بالاندين.

«بۇل سەنىڭ قولىڭنان كەلدى. الدىڭدا ءالى تالاي وليمپيادا بار. ەندى عانا 20 عا تولىپ وتىرسىڭ. مەن ءوزىمنىڭ تانىستارىمنان سۇراعان كەزىمدە بىرەۋى: «دميتري جەڭىسكە جەتەدى. ويتكەنى، ونىكى اياق ەمەس، 50-رازمەرلى تابان»، دەگەن بولاتىن. دەگەنمەن، ەڭ باستىسى بۇل دا ەمەس شىعار»، - دەپ قالجىڭدادى نۇرسۇلتان نازاربايەۆ.

سونىمەن قاتار پرەزيدەنت ستاديوندار رەتكە كەلتىرىلىپ، جاڭا سپورت ورتالىقتارى سالىنۋىن ءجىتى باقىلاپ وتىرعاندىعىن باسا ايتتى.

اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى