موڭعوليا قازاعى سەرىك بەردىمۇرات ۇلى «ەۋرازيا بارىسىندا» كوماندالاستارىنا جەڭىس سىيلادى

موڭعوليا بالۋاندارى تاجىكستان بالۋاندارىن 4:3 ەسەبىمەن جەڭدى. اسا تارتىستى وتكەن باسەكەنىڭ العاشقى ءۇش بەلدەسۋىندە ەكى كوماندا بالۋاندارى 3:3 ەسەبىمەن تەڭ تۇسكەن بولاتىن. شەشۋشى سىندا موڭعوليا قۇراماسىندا 100 كەلى سالماقتا بەلدەسكەن ەتنيكالىق قازاق بالۋان سەرىك بەردىمۇرات ۇلى قارسىلاسىن ۇپاي سانىمەن ۇتىپ، كوماندالاستارىنا كەلەسى اينالىمعا شىعۋعا مۇمكىندىك الىپ بەردى.

سەرىك بەردىمۇرات ۇلى بايان-ولگەي ايماعىندا تسەنگەل اۋىلىندا دۇنيەگە كەلگەن. ول سپورتپەن ون جاسىنان بەرى شۇعىلدانادى. سۋمو، سامبو، موڭعول كۇرەسى جانە دزيۋ-دومەن اينالىسادى.

كوپتەگەن جارىستاردىڭ جەڭىمپازى.

ەستەرىڭىزگە سالا كەتەيىك، وسىعان دەيىن گرۋزيا بالۋاندارى وزبەكستاندىق قارسىلاستارىنان 6:2 ەسەبىمەن ۇتىپ، كەلەسى بەلدەسۋگە جولداما السا، قازاقستان قۇراماسى پولشا بالۋاندارىن 7:0 ەسەبىمەن ويسىراتا ۇتقان بولاتىن.

اۆتور: كۇنسۇلتان وتارباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى