باقىتتى بولۋ ءۇشىن پرەزيدەنت بولۋ مىندەتتى ەمەس - نازاربايەۆ

«اتا-انالار سەن وقۋعا ءتيىسسىڭ، سوندا پرەزيدەنت بولاسىڭ دەپ ايتادى. پرەزيدەنت بولعانىنا مەنىڭ قارسىلىعىم جوق. ءبىراق، ول بالانىڭ باسىندا قالىپ قويادى. سودان كەيىن ول ورىندالماعاننان كەيىن قينالادى. باقىتتى بولۋ ءۇشىن مىندەتتى تۇردە پرەزيدەنت بولۋ قاجەت ەمەس. مۇمكىن ءتىپتى كەرىسىنشە بولۋى مۇمكىن. ءبىر قالجىڭ ايتىپ بەرەيىن. ءبىر كەزدە ءبىز ەلتسينگە: «بوريس نيكولايەۆيچ، نەمەرەڭىز پرەزيدەنت بولعىسى كەلەدى»، دەپ ايتقان ەدىك. ال ول «رەسەيگە ەكى پرەزيدەنتتىڭ قاجەتى قانشا؟» دەيدى. ەڭ باستىسى - ادام تاربيەلەۋ، ءبىلىم، جاقسى ماماندىق الۋ. جاقسى ءبىلىمدى سەنەن ەشكىم تارتىپ الا المايدى. سوندا سەن ومىردە جەتىستىككە جەتەسىڭ»، - دەدى نازاربايەۆ.

وسى رەتتە مەملەكەت باسشىسى ەلىمىزدە جاستارعا ساپالى ءبىلىم بەرۋگە ايرىقشا ءمان بەرىلىپ كەلە جاتقاندىعىن باسا ايتتى. «تەك وسى جىلداردىڭ ىشىندە عانا شامامەن 1500 جاڭا مەكتەپ سالىندى، جوندەپ جاتىرمىز. بۇل مەكتەپتەر بۇرىنعىداي ەمەس. ولار مۇلدەم زاماناۋي، زياتكەرلىك مەكتەپتەر. وندا رەسپۋبليكالىق دۇنيەجۇزىلىك بايقاۋلاردىڭ جەڭىمپازدارى، ۇزدىك وقۋشىلار قابىلدانادى. سولاردان ءۇمىت كۇتۋ كەرەك. ارينە، باستاپقى ساراپتاما بارلىق ادامنىڭ مۇمكىنشىلىگى بىردەي ەمەستىگىن كورسەتتى. ادامداردىڭ بارلىعى بىردەي ءوز مۇمكىنشىلىكتەرىمەن ۋنيۆەرسيتەت اياقتاي المايدى»، - دەدى پرەزيدەنت.

اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى