كولۋمبياداعى ۇشاق جانارمايى تاۋسىلعان سوڭ قۇلاعان
جەرگىلىكتى ب ا ق- تا ۇشقىش پەن كولۋمبيالىق اۋە ديسپەتچەرىنىڭ ديالوگى جاريالاندى. جازبادا ۇشقىش ەلەكتر قۇرىلعىلارىنىڭ ىستەن شىعىپ، جانارمايدىڭ تاۋسىلۋىنا بايلانىستى بىرنەشە رەت قونۋعا رۇقسات سۇرايدى.
اۋە ديسپەتچەرى قونۋعا رۇقسات بەرەدى. جازبا سوڭىندا ۇشقىش ۇشاقتىڭ 2,7 شاقىرىم بيىكتىكتە ەكەنىن حابارلاعان. دۇيسەنبى كۇنى ۇشاق كولۋمبيانىڭ سولتۇستىگىندەگى مەدەلين قالاسى ماڭىنداعى تاۋلى ولكەگە قۇلادى.
اۋەجايدىڭ رەسمي حابارلاماسىندا ەكيپاجدىڭ قوزعالتقىش اقاۋى تۋرالى حابارلاعانى ايتىلعان ەدى. سونىمەن بىرگە، كولۋمبيالىق ب ا ق جانارمايدىڭ ازدىعى تۋرالى حابارلادى. فرانس پرەسستىڭ كولۋمبيا قارۋلى كۇشتەرىندەگى اقپارات كوزى ۇشاقتا ەشقانداي جارىلىستىڭ بولماعانىن، جانارمايدىڭ تاۋسىلعانىن توپشىلاپ وتىرعانىن جەتكىزگەن. الايدا، جايدان-جاي وتىننىڭ بولماۋى دا كۇدىك تۋدىرادى.
