م م ا فەدەراتسياسىنىڭ باسشىسى ايدار ماحمەتوۆكە قاتىستى داۋعا وراي پىكىر ءبىلدىردى
ەستەرىڭىزگە سالا كەتسەك، ماحمەتوۆ قازاقستاننىڭ مادەنيەت جانە سپورت مينيسترلىگىندە اككرەديتاتسيادان وتپەگەن فەدەراتسيا اتىنان ماكاودا وتكەن م م ا بويىنشا الەم چەمپيوناتىندا جالعان ءوتىنىش تاپسىرۋعا تىرىسقان.
«شىندىعىن ايتقاندا، نارازىلىقتى وزگە فەدەراتسيالاردان بىلدىك. ويتكەنى، بۇل سپورت ءتۇرى ەندى دامىپ كەلەدى. ءبىراق، ءبىراز جەتىستىگى بار. مۇمكىن بىرەۋلەر بۇل سپورت ءتۇرىن وزىنە العىسى كەلگەن دە شىعار. الايدا، مۇنىڭ تۋ سىرتىندا ايدار ماحمەتوۆتىڭ تۇرعانىن ءىس جۇزىنە كەلگەندە ءبىراق بىلدىك. بۇل ءبىزدى تاڭ قالدىردى. ءوتىنىش ءبىزدىڭ سپورتشىلاردان، ءبىزدىڭ باس جاتتىقتىرۋشىلاردان تۇسكەن. ول ۋاقىتتا ءبىز كوماندانى جاساقتاۋمەن اينالىسىپ، وقۋ-جاتتىعۋ جيىندارىن وتكىزىپ جاتقان ەدىك»، - دەدى ول.
ونىڭ پايىمىنشا، ايدار ماحمەتوۆتىڭ فەدەراتسيا جۇمىسىنا قاتىسپاۋىنىڭ ەشقانداي اسەرى جوق. ويتكەنى، ول فەدەراتسيادا جۇمىس ىستەگەن ەكى جىلدىڭ ىشىندە ونىڭ دامۋىنا ەش ۇلەس قوسپادى.
«دەگەنمەن، وعان ناقتى ءۇمىت ارتىلعان بولاتىن. ونىڭ مىندەتىنە ءبىزدىڭ سپورت تۇرلەرىنىڭ بارلىق سۋبەكتىلەرىن ۇيلەستىرۋ، بىرىكتىرۋ كىرگەن ەدى. ناتيجەسىندە، وسى جىلدار ىشىندە ول مۇلدەم قاراما-قايشى تىرلىكپەن اينالىسىپ كەلىپتى»، - دەدى كيم.
ال «سامۇرىق-قازىنا» قورىنىڭ قوعاممەن بايلانىس جونىندەگى دەپارتامەنتىنىڭ ديرەكتورى ايدار ماحمەتوۆ فەدەراتسيانىڭ مۇنداي مالىمدەمەسىنە ەش جاۋاپ بەرگەن جوق.
اۆتور: مارلان جيەمباي
