سارسەن قۇرانبەك: «ەۋرازيا بارىسىنان» موڭعوليالىق ءبىر بالۋاندى شەتتەتتىك

كەشە بالۋانداردىڭ سالماق ولشەۋ ءراسىمى ءوتتى. وندا جارىسقا قاتىساتىن موڭعوليانىڭ بالۋاندارى سالماق ولشەۋ راسىمىنە كەشىگىپ كەلگەن بولاتىن. وسىعان بايلانىستى ق ر قازاق كۇرەسى فەدەراتسياسىنىڭ ءبىرىنشى ۆيتسە-پرەزيدەنتى سارسەن قۇرانبەككە قوڭىراۋ شالىپ، ورىن العان جاعدايعا بايلانىستى شاعىن سۇحبات الدىق.

- كەشە سالماق ولشەۋ راسىمىنە موڭعوليالىق بالۋاندار كەشىگىپ كەلىپتى. ولار ەندى جارىسقا قاتىسا ما؟

- ءيا، ولار كەشىگىپ، ءتۇن ىشىندە كەلدى. سول سەبەپتى سالتاناتتى سالماق ولشەۋ راسىمىنە ۇلگەرمەي قالدى. ءبىراق، الىستان ات ارىتىپ، ارنايى كەلگەن سوڭ، جارىستان شەتتەتكەن جوقپىز. ولاردىڭ سالماقتارىن جەكە ولشەدىك.

- كوماندا تولىق قۇرامدا جارىسقا قاتىساتىن بولدى ما؟

- ءبىر بالۋانىن جارىستان شەتتەتىك.

- كەشىگىپ كەلگەنى سەبەپتى مە؟

- جوق، سالماعى اسىپ كەتكەن.

- قاي سالماقتاعى بالۋان جارىستان شەتتەتىلدى؟

- 66 كەلى سالماقتاعى بالۋاندى الىپ قالدىق. ونىڭ سالماعى 70 كەلىدەن دە اسىپ ءتۇستى.

- قالعان بالۋاندار ءوز سالماقتارىندا بەلدەسەدى عوي...

- مونعوليا بالۋاندارىنىڭ ىشىنەن 55 كەلى سالماقتاعى بالۋان عانا ءوز سالماعىندا بەلدەسەدى. قالعان بالۋانداردىڭ بارلىعىنىڭ سالماعى وزگەرىپ كەتتى. ونى جارىس بارىسىندا وزدەرىڭىز كورەتىن بولاسىزدار.

- ەڭ اۋىر سالماقتاعى بالۋان كىم بولدى؟

- كەشەگى سالماق ولشەۋ راسىمىندە ەڭ اۋىر تارتقان بالۋان قازاقستاندىق ايبەك نۇعىماروۆ بولدى. ونىڭ سالماعى 139 كەلىنى كورسەتتى. ەكىنشى ورىندا رەسەيلىك انتون چەرنىشيەۆ. ونىڭ سالماعى 138 كەلى. بۇيىرسا، بۇگىن ناعىز مىقتىلار انىقتالادى. باسەكە اسا تارتىستى وتەدى دەگەن ويدامىز. بارلىقتارىڭىزدى وسى جارىستى تاماشالاۋعا شاقىرامىز.

- اڭگىمەڭىزگە راحمەت!

اۆتور: كۇنسۇلتان وتارباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى