جەڭىس قاسىمبەك تايلاند ەلىن تاياۋ شىعىسقا «كوشىرىپ» جىبەردى
50 ەلدىڭ ەلشىلەرى، حالىقارالىق ۇيىمداردىڭ وكىلدەرى قاتىسقان جيىندا ينۆەستيتسيالار جانە دامۋ ءمينيسترى جەڭىس قاسىمبەك بايانداماسىنا قوسا تانىستىرعان سلايدتا، «ترانسكاسپي حالىقارالىق كولىك مارشرۋتى» بولىمىندە تايلاند ەلىن تاياۋ شىعىسقا اۋىستىرىپ جىبەرىپتى، دەپ حابارلايدى قازاقپارات.
«نۇرلى جول» باعدارلاماسىنىڭ ەكونوميكالىق ديپلوماتياداعى رولىنە ارنالعان جينالىستان سوڭ، ەلشىلەر بايانداماشىعا سۇراق قويدى. سوندا تايلاند ەلشىسى: «ءمينيستردىڭ تانىستىرىلىمىندا كارتا بولعان ەدى. سول كارتاعا مەنىڭ ەلىم جانە تاعى بىرنەشە ەل تاياۋ شىعىسقا «اۋىپ» كەتىپتى. مەنىڭ ەلىمدى ءوزىنىڭ گەوگرافياداعى دۇرىس ورنىنا اۋىستىرىپ اپارىڭىزشى»، - دەدى.
«جاھاننىڭ گەوگرافياسىن اۋىستىرعىمىز كەلگەن جوق. ايتا كەتەيىن، بۇل كارتا ەمەس، سحەما ەدى. سحەمالاردى جىلجىتقاندا، تەحنيكالىق اقاۋدان بولا، جىلجىپ كەتكەن شىعار. سوندىقتان، گەوگرافياسىن اۋىستىرعىمىز كەلگەن جوق»، - دەدى اڭگىمەگە ارالاسقان سىرتقى ىستەر ءمينيسترى ەرلان ىدىسىروۆ.
ءبىراق، جينالىسقا قاتىسقان تاعى ەلشى سلايدتاعى سىزباعا ليۆان مەن پاكىستان ەلدەرى مۇلدە جوق ەكەنىن جانە جەڭىس قاسىمبەك جاساپ كەلگەن كارتاعا «وزگەرىس» ەنگىزەتىن بولسا، ەكى ەلدى دە قوسۋىن سۇرادى. «مەن كولىك سالاسىن باسقاراتىن ادامدارعا بۇدان وسىنداي ماسەلەلەرگە وتە مۇقيات بولىپ، ءتىپتى، سىزبالارىنداعى ەلدەردىڭ ۋاقىتىن كورسەتىپ قويۋدى ەسكەرتەيىن»، - دەدى ە. ىدىرىسوۆ.
اۆتور: كەنجەكەي توقتامۇرات قىزى
