مينيستر مۇحامەدي ۇلى سپورتشىلار ءۇشىن الاڭداپ وتىرعانىن مالىمدەدى

بۇل تۋرالى بۇگىن پارلامەنت ءماجىلىسىنىڭ جالپى وتىرىسىنان كەيىن تىلشىلەر ساۋالىنا جاۋاپ بەرۋ بارىسىندا ق ر مادەنيەت جانە سپورت مينيستر ارىستانبەك مۇحامەدي ۇلى ءمالىم ەتتى. «2017 -جىلى دوپينگتى پايدالانۋ ماسەلەسىنە قاتىستى زاڭ جوباسىن ەنگىزۋدى قاراستىرۋدامىز. نە ءۇشىن؟ قازىرگى كەزدە كىنالى رەتىندە تەك سپورتشىلار قالىپ وتىر. ال سول كەزدە سپورتقا باسشىلىق ەتكەن ادامدار قايدا؟ نەلىكتەن سپورتشىلارعا قاراعان دارىگەرگە جاۋاپكەرشىلىك جۇكتەلمەگەن؟ ەندى سول كەزدە ەلدىڭ ابىرويىن قورعاۋعا بارعان ازاماتتاردى پروبلەمالارىمەن جالعىز قالدىرعانىمىز دۇرىس ەمەس. سپورتشىلار مەدال العان كەزدە ءتيىستى ماراپاتتاردى باسشىلىق ەتكەندەر دە الدى عوي»، - دەپ توقتالدى مۇحامەدي ۇلى.

وسى ورايدا مينيستر دوپينگ ءۇشىن جاۋاپكەرشىلىكتى زاڭنامامەن بەكىتىلەتىندىگىن اتاپ ءوتتى. وندا سپورتشىدان بولەك دارىگەرگە، باپكەرگە، قۇزىرەتتى مەملەكەتتىك ورگانعا جۇكتەلەتىن جاۋاپكەرشىلىك تىڭعىلىقتى جازىلماق. «قازىرگى كەزدە ءبىزدىڭ سپورتشىلارعا، ياعني يليا يلين مەن قيىن جاعدايعا تاپ بولعان باسقا دا اۋىر اتلەتتەرىمىزگە الاڭداپ وتىرمىن»، - دەدى مينيستر.

ەسكە سالا كەتەيىك، وسىعان دەيىن ح و ك- تىڭ قازاقستان اتىنان جارىسقا شىعىپ جۇرگەن ءبىرقاتار اۋىر اتلەتتەردىڭ مەدالىن قايتارۋ تۋرالى شەشىم شىعارعاندىعى جاريالانعان بولاتىن.
اۆتور: رۋسلان عابباسوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى