الماتىدا اتىشۋلى ترانسگەندەرگە قاتىستى جاڭا دەرەك شىقتى - كەسكىن

ايىپتالۋشىلار ورىندىعىندا قوماقتى سومانى بوپسالاعان ادام وتىر.

ول جىنىسىن وزگەرتكەنىمەن، قۇجات بويىنشا 26 جاستاعى كارىمجان بەرقوجايەۆ دەگەن جامبىل وبلىسىنىڭ تۋماسى.

بۇل تۋرالى ك ت ك حابارلادى.

ءبىراق بۇگىن ءبىرىنشى سوت پروتسەسسى باستالماي جاتىپ، كەيىنگە قالدىرىلدى. بۇل جابىرلەنۋشى تاراپتىڭ كەلمەۋىنە بايلانىستى. سونداي-اق ءوزىن ۆيكتوريا دەپ اتاۋدى ءجون سانايتىن ايىپتالۋشى قىلمىستىق ىسپەن تانىسۋعا مۇمكىندىگى بولماعانىن العا تارتتى. ايتا كەتەرلىگى ايىپتالۋشى بيىل ءساۋىر ايىندا الماتىداعى جەكە كلينيكالاردىڭ بىرىندە جىنىسىن اۋىستىرعان ەكەن. سول جەردە جابىرلەنۋشىمەن تانىسىپ، كەيىن جەكە باسىنا قاتىستى قۇپيانى جايىپ سالامىن دەپ، 33 مىڭ دوللار تالاپ ەتىپتى.

ءبىراق الگى ادام ايتىلعان قارجىنىڭ ۇشتەن ءبىرىن عانا بەرىپ، سول جەردە ۆيكتوريانى ءتارتىپ ساقشىلارىنا ۇستاتىپ جىبەرگەن. قازىر بەرقوجايەۆ قۇجات بويىنشا ەركەك بولعانىمەن، ايەلدەرگە ارنالعان تەرگەۋ قاپاسىندا وتىر. ال ەرتەڭنەن باستاپ ول رەسمي تۇردە ايەل دەپ تانىلماق. سەبەبى جاڭا قۇجاتتارى دايىن بولادى.

ارداق ءجانابىلوۆا، قۇقىق قورعاۋشى:

- ءبىز ۆيكتورياعا جاڭا قۇجاتتاردى الۋعا كومەكتەسىپ جاتىرمىز. تەرگەۋ امالدارىن جۇرگىزگەن تەرگەۋشىگە 30 -قاراشا، ياعني، ەرتەڭ بۇل جۇمىستى اياقتاۋعا بۇيرىق بەرىلگەن. ەرتەڭنەن باستاپ ۆيكتوريا رەسمي تۇردە ايەل بولىپ سانالادى. بۇل -  ءبىزدىڭ العاشقى جەڭىسىمىز.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى