ق ر تۇڭعىش پرەزيدەنتى كۇنىنە وراي الپينيستەر «نۇرسۇلتان» شىڭىنا كوتەرىلدى

مەرەكەگە وراي جاسالعان سپورتشىلاردىڭ ەرەكشە تارتۋىنا قاتىستى بۇگىن الماتىدا ارنايى باسپا ءسوز ءماسليحاتى ۇيىمداستىرىلدى.

باسپا ءسوز ءماسليحاتىندا ءسوز العان الپينيزم جانە سپورتتىق قۇزعا ورمەلەۋ فەدەراتسياسىنىڭ پرەزيدەنتى قازبەك ۆاليەۆ سپورتشىلاردىڭ تاۋعا ساپارى تۋرالى ايتتى. «27 -قاراشا كۇنى 64 ادامنان تۇراتىن الپينيستەر توبى ەل تاۋەلسىزدىگىنىڭ 25 جىلدىعى مەن ق ر تۇڭعىش پرەزيدەنتى كۇنىنە ارناپ، «نۇرسۇلتان» شىڭىنا كوتەرىلۋگە اتتاندى. قار قالىڭ جاۋعان، اۋا رايى -27 گرادۋسقا دەيىن تومەن بولۋىنا بايلانىستى ولاردىڭ بارلىعىنا بيىككە شىعا المادى. 42 ادام عانا دىتتەگەن مەجەگە كوتەرىلە الدى. وتە سۋىق بولدى. ءبىزدى ق ر پرەزيدەنتى اپپاراتى، الماتى اكىمدىگى، ق ر مادەنيەت جانە سپورت مينيسترلىگى سپورت جانە دەنە شىنىقتىرۋ ىستەرى كوميتەتى قولدادى.

«نۇرسۇلتان» شىڭى بوگدانوۆيچ مۇزدىعىنىڭ باس جاعىندا ورنالاسقان. سولتۇستىگىندە قارلىتاۋ، شىعىسىندا اريستوۆ شىڭىمەن ۇلاسادى. بۇل شىڭعا 1930 -جىلى 17 -شىلدەدە گ. بەلوگلازوۆ باستاعان توپ شىعىپ، كىشى الماتى شىڭى دەپ اتاعان. ءدال وسى جىلدى قازاقستان الپينيزمىنىڭ باستاۋى دەپ ەسەپتەگەن. ال 1935 -جىلى 11 -شىلدەدە الماتىدا 1-كومسومولدىق الپينيادا ءوتىپ، كىشى الماتى شىڭى «كومسومول» اتاۋىنا اۋىستىرىلدى. 1997 -جىلى الپينياداعا قاتىسۋشىلار تۇڭعىش پرەزيدەنتتىڭ تۋعان كۇنىنە وراي كومسومول شىڭىن «نۇرسۇلتان» شىڭى دەپ اتاۋدى ۇسىندى.

«نۇرسۇلتان» شىڭىندا ءداستۇرلى الپينيادانىڭ سان ءتۇرلى جارىستارى وتكىزىلەدى. قازاقستاننىڭ تاۋەلسىزدىك الۋىمەن ەستافەتانى قازىرگى الپينيستەر جالعاستىرىپ وتىر»، - دەدى ق. ۆاليەۆ. ايتا كەتەيىك، «نۇرسۇلتان» شىڭىنىڭ بيىكتىگى 4376 مەتر.

اۆتور: الماس مۇقاش ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى