بۇل شىن ءتۇس
...كەشكى- جەتى-سەگىزدەردىڭ شاماسىندا ءبىزدىڭ ۇيگە كەلىپتى. قاراپايىم كيىنىپ العان. قولىندا ءبىر «شيشاسى» بار. جانىندا ەكى اقىرانى بار. اماندىق- ساۋلىقتان كەيىن:
- ءسىز يۋ-قيۋ بىرنەشە ماشينامەن، بىرنەشە اداممەن جۇرەتىن ەدىڭىز عوي، - دەدىم، شىن تاڭقالىپ.
- ول جۇمىس ۋاقىتىندا عوي، - دەدى ءجاي عانا.
ۇندەمەدىم. ەكەۋمىز داستارحان باسىنا جايعاستىق. ەكى اقىران قاققان قازىقتاي قالشيىپ تۇر. نۇراعا ءوز قولىمەن «شيشانى» اشتى. ول كىسى بىردەمە- بىردەمە دەپ وتىرعان. ناقتى نە ايتقانى ەسىمدە جوق. ەلۋ-ەلۋدەن تاستاپ-تاستاپ جىبەردىك. تاعى بىردەمەلەردى ايتىپ وتىردى. ول دا ەسىمدە جوق. داستارحاننان ۇيالىپ وتىردىم با، تاماق ىستەپ جىبەرۋ كەرەك شىعار دەدىم با، ايتەۋىر، ءوز ويىممەن ءوزىم اۋرە بولىپ وتىردىم عوي دەيمىن.
ءبىرجولا دوس بولىپ كەتكىم كەلدى مە ەكەن. سەمەينىي ارالاسساق پا دەپ قويام. ءبىراق قاي سەمياسىمەن؟ قىزدارىنىڭ ءبارى ءوسىپ كەتكەن. كىشكەنتايلارى ءالى شيەتتەي شىعار. الدە ءبىزدىڭ بالالارمەن قۇرالپىلاسى بار ما ەكەن؟ وسىنداي ويلارمەن الاساپىران بولىپ وتىرعاندا تاعى دا ەلۋ- ەلۋدەن تاستاپ جىبەردىك. ءىشىم قىزا باستادى. ەندى تۇمىرەيمەي مەن دە بىردەڭە دەۋىم كەرەك قوي. تاعى دا قۇيىپ قويدىق. تىلەك ايتقىم كەلدى. ءسويتىپ وتىرعاندا قاپ- قارا كاستيۋم مەن ءاپپوووق كويلەك كيىپ، قاپ- قارا گالستۋك تاعىپ العان ەكى اقىراننىڭ بىرەۋى ەلباسىنىڭ قۇلاعىنا بىردەڭە دەپ سىبىرلادى. نۇراعام باسىن يزەپ تىڭداپ وتىردى دا اناۋ ايتىپ بولعاسىن ماعان قاراپ:
- مەن قايتاتىن بولدىم، - دەدى.
شۇعىل شارۋالار شىعىپ قالدى-اۋ دەيمىن. شىعىپ بارا جاتىپ داستارحانداعى ورتالانىپ قالعان شولمەكتى نۇسقاپ:
- انانى ءوزىڭ جاقسى كورەتىن ءبىر دوسىڭدى شاقىرىپ الىپ تاۋىس، - دەدى. جانە:
- مەنەن قالعان سارقىت دەپ ايت، قۋانىپ قالسىن، - دەدى.
ونى كەيىن كورەرمىز، ول كىسى شىعا سالىسىمەن ستاكاندى الدىم دا سول كىسىگە قۇيىلعاندى تاستاپ كەپ جىبەردىم.
ءتۇسىمنىڭ قىسقاشا سيۋجەتى وسى. ەندى بىرەۋلەر وسىنداي ءتۇس كورسە ەسى شىعىپ، جورىپ جاتادى عوي. ءبىر كەرەمەت بولادى دەپ كۇتۋمەن جۇرەدى. مەنىڭشە ەشتەڭە دە بولمايدى. ءتۇس تۇلكىنىڭ تەزەگى. بۇرىن دا ءبىر رەت كورگەنمىن. ستۋدەنتتەر سارايىنىڭ توبەسىندە ماشينا ايداپ جۇرگەنبىز. ول كەزدە دە ەشتەڭە بولمايدى دەگەم، بولماعان. قۇداي اماندىعىن بەرسىن. بۇل جولى دا بىردەڭە بولا قويادى- اۋ دەپ كۇتىپ وتىرعان جوقپىن.
ەلباسى تۇسكە كىرسە ءبىر عاجايىپ بولادى دەگەن جۇرتتىڭ سەنىمى سەتىنەمەسىن دەسە، پرەزيدەنت تۇسىڭە كىرسە تۇك تە بولمايدى ەكەن دەگەن قاڭقۋ ءسوز تاراپ كەتپەسىن دەسە، پرەزيدەنت اكىمشىلىگ ءوزى بىردەڭە ىستەر... ايتپەسە، شارۋالارى قيىن-اق بولىپ تۇر.
تۇندە وسى ءتۇسىمدى ايتىپ وتىرسام ەرلان دوسىم: - قالعان جارتى قايدا؟ - دەيدى.
- قاي جارتى؟ - دەسەم، - ەلباسىدان قالعان شە؟ - دەيدى. قايدا ەدى سول ءوزى؟ سونىمەن سولاي. ال، پري چەم تۋت دياديا ۆانيا؟ نە زنايۋ(بىلمەيمىن سول جەردە قالعان).
بەيبىت سارىباي
