ساۋد ارابياسىنىڭ تۇرعىندارىنا اققالا جاساۋعا تىيىم سالىندى
دۇنيە جۇزىندەگى ەڭ ىستىق ەلدەردىڭ ءبىرى - ساۋد ارابياسىنىڭ حالقىن اۋا رايىنىڭ كۇرت سۋىتۋى شوشىتتى. ەلدىڭ ورتالىق بولىگىندەگى استانالىق وكرۋگ اۋداندارىندا تەمپەراتۋرانىڭ تومەندەگەنى سونشالىق، ءشول دالاداعى قۇمنىڭ بەتىن قار باسىپ قالعان. تاباردجال قالاسىندا تەمپەراتۋرا ° -3°C گرادوسقا دەيىن تومەندەدى، ءال- كۋارايات پروۆينتسياسىندا سىناپ باعاناسى - -1°C كورسەتتى. جاۋىن- شاشىننان سەل پايدا بولىپ، كولىك كەپتەلىسى ۇلعايدى. مەتەورولوگتاردىڭ جاقىن كۇندەرى كورولدىكتىڭ بارلىق اۋماعىندا جاۋىن- شاشىن بولاتىنىن ەسكەرتتى.
ازاماتتىق قورعانىس كورولدىك قۇزىرىنداعى ازاماتتار مەن شەتەلدىكتەردى ساقتىق شارالارىن ۇستانۋعا شاقىردى. ەلدىڭ ەكى ايماعىندا قاۋىپتىڭ سارعىش دەڭگەيى ەنگىزىلسە، تاعى 6 اۋدانىندا سارى دەڭگەيلى قاۋىپ جاريالاندى. جەرگىلىكتى بيلىك وكىلدەرى قار تازالاۋ جۇمىستارىنا جەدەل كىرىستى.
اۋا رايىنىڭ بۇلاي قۇبىلۋى اتا- انالاردىڭ دا جۇمىسىن كوبەيتتى. ولار ءوز بالالارىنا اققالا جاساۋعا بولمايتىنىن ەسكەرتىپ الەك. ويتكەنى ەلدىڭ ءدىن قىزمەتكەرلەرى قاردان جاسالعان فيگۋرالار ادام سۇلباسىن ەسكە تۇسىرەتىنىن ەسكەرتتى. بۇل ساۋد ارابياسى ۇستاناتىن يسلامنىڭ قاعيداتتارىنا قايشى.
انار لەپەسوۆا
«تۇركىستان» گازەتى
