قازاقستاندا ينفلياتسيا شارىقتاۋ شەگىنە جەتتى - ەۋروپانىڭ قايتا قۇرۋ جانە دامۋ بانكى

 ءوز سوزىندە بانك وكىلى ەۋروپالىق قايتا قۇرۋ جانە دامۋ بانكى قازاقستاندا بارلىق سالالاردى قارجىلاندىرىپ جاتقانىن جەتكىزە وتىرىپ: «سول سەبەپتى باسقا حالىقارالىق ۇيىمدار مەن دونورلىق كومپانيالارعا قاراعاندا، ءبىز وسى ەلدەگى جاعدايدى جاقسى بىلەمىز. بۇگىندە ءبىز باسپا ءسوز بەتتەرىندە سان الۋان بولجامداردى وقىپ ءجۇرمىز. دەگەنمەن، ءبىزدىڭ ەكونوميستەر بولاشاققا وپتيميستىك كوزقاراسپەن قاراپ وتىر. بىزدىڭشە، بۇگىندە قازاقستان مۇناي- گاز سالاسىنداعى ەكونوميكالىق قۇلدىراۋ كەزەڭىنەن ءوتتى. مەملەكەت اتالعان سىناقتى ءساتتى ەڭسەرە ءبىلدى. سوندىقتان بيىل ىشكى جالپى ءونىم شامامەن 0,7 پايىزعا وسەدى دەگەن بولجام بار. ال كەلەسى جىلى ول كورسەتكىش 2,4 پايىزعا كوتەرىلەدى. ءبىزدىڭ ەسەبىمىزگە سايكەس، قازىرگى كەزدە ينفلياتسيا ءوزىنىڭ شارىقتاۋ شەگىنە جەتتى. ەندى، اعىمداعى جىلدىڭ اياعىنا دەيىن، سوسىن كەلەسى ايدا اقشا مەن اكتيۆتەردىڭ اينالىمى قالىپتى دەڭگەيگە ورالادى»، - دەپ اتاپ ءوتتى.

 ايتا كەتەيىك، استانادا ءوتىپ جاتقان «قازاقستان: جاڭا ينۆەستيتسيالىق مۇمكىندىكتەر» تاقىرىبىنداعى كونفەرەنسيا اياسىندا ەلىمىزدەگى ۇزدىك ينۆەستورلاردى ماراپاتتاۋ ءراسىمى ءوتتى.

 اۆتور: ارمان اسقاروۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى