ن ك ۆ د جەندەتتەرىنىڭ ۇرپاقتارى پۋتيننەن اراشا سۇرادى

 ولار رەسەي پرەزيدەنتىنە حات جازىپ، يوسيف ستاليننىڭ تۇسىنداعى «ۇلكەن تەررور» - ساياسي قۋعىن- سۇرگىندى ىسكە اسىرعان 40 مىڭعا تارتا جەندەتتىڭ اتى- ءجونى مەن ولار تۋرالى مالىمەتتەردى جابۋدى سۇرادى، - دەپ حابارلادى ازاتتىق.

«مەموريال» حالىقارالىق قۇقىق قورعاۋ قوعامى تاياۋدا «ۇلكەن تەررور» زامانىنداعى ن ك ۆ د قىزمەتكەرلەرىنىڭ ءتىزىمىن جاريالادى. تىزىمدە س س س ر بويىنشا ن ك ۆ د- نىڭ جەكە قۇرامىندا 1935-1941 -جىلدارى جۇمىس ىستەگەن  41668 ادامنىڭ اتى- جوندەرى جاريالانىپ، ونىڭ  39950- ءى تۋرالى قىسقاشا ماعلۇمات بەرىلگەن. «ۇلكەن تەررور» كەزىندەگى ن ك ۆ د قىزمەتكەرلەرى تۋرالى مۇنداي ماعلۇمات ءبىرىنشى رەت جاريالاندى.

رەسەي اقپارات قۇرالدارىنىڭ حابارلاۋىنشا، بۇرىنعى ن ك ۆ د اگەنتتەرىنىڭ ءبىر توپ ۇرپاقتارى ۆلاديمير پۋتينگە حات جازىپ، ودان وزدەرىنىڭ بابالارىنا قاتىستى مالىمەتتەردى جاپقىزۋدى سۇراعان. ولار ءوز حاتتارىندا «قۋعىن- سۇرگىنگە ۇشىراعانداردىڭ ۇرپاقتارى اگەنتتەردىڭ بالالارى، نەمەرەلەرى مەن شوبەرەلەرىنەن بابالارى ءۇشىن كەك الۋى مۇمكىن دەپ قاۋىپتەنەتىنىن» ايتقان.

ايتا كەتەيىك، «مەموريال» ۇيىمى بۇل مالىمەتتەردى جيناقتاپ، جاريالاۋمەن 15 جىل بويى اينالىسقان.

انار لەپەسوۆا

«تۇركىستان» گازەتى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى