ەرتەڭ «ەۋرازيا بارىسىندا» ەل نامىسىن كىمدەر قورعايدى؟

ەستەرىڭىزدە بولسا، وسىعان دەيىن 1- جەلتوقسان تۇڭعىش پرەزيدەنت مەرەكەسى كۇنىنە وراي «الماتى ارەنا» سارايىندا «ەۋرازيا بارىسى» حالىقارالىق ءتۋرنيرى وتەتىنىن حابارلاعان بولاتىنبىز.

وسىمەن ءتورتىنشى رەت جالاۋىن كوتەرگەلى وتىرعان دوداعا 8 مەملەكەتتەن بالۋاندار كەلىپ قاتىسادى.

اتاپ ايتار بولساق، قازاقستان قۇراماسىنان بولەك، گرۋزيا، موڭعوليا، پولشا، رەسەي، يران، وزبەكستان جانە تۇركيا مەملەكەتى قاتىسادى. اتالعان ەلدەردىڭ بارلىعى وسىعان دەيىن دە قازاق كۇرەسىنىڭ سايىسىندا باق سىناپ كورگەن.

وسى باسەكەدە ەل نامىسىن مىنا بالۋاندار قورعايدى:

55 كەلى: مارات نىعىماتۇللايەۆ (17.12.1995 ج. ت.) - قازاق كۇرەسىنەن ەكى دۇركىن قازاقستان چەمپيونى (2014-2015 ج)، سامبودان قازاقستان چەمپيونى، سامبودان الەم چەمپيوناتىنىڭ كۇمىس جۇلدەگەرى (افينا، گرەكيا 2013 ج)، دزيۋدودان جاستار اراسىندا ازيا كۋبوگىنىڭ قولا جۇلدەگەرى (قاراعاندى)، «ەۋرازيا بارىسى» حالىقارالىق ءتۋرنيرىنىڭ جەڭىمپازى (2015 ج). قازاق كۇرەسى جانە سامبودان سپورت شەبەرى.

60 كەلى: ەرجان ماعاۋينوۆ (24.11.1990 ج. ت.) - قازاق كۇرەسىنەن ق ر كۋبوگىندا ءۇشىنشى ورىن (2009 ج. تالدىقورعان)، قازاقستان چەمپيوناتىنىڭ قولا جۇلدەگەرى (2011 ج. قاراعاندى)، قازاقستان كۋبوگىنىڭ قولا جۇلدەگەرى (2011 ج. شىمكەنت)، دزيۋدودان چەگەيەۆ اتىنداعى ءتۋرنيردىڭ جەڭىمپازى (2013 ج. وسكەمەن)، دزيۋدودان پاۆلوداردا وتكەن تۋرنيردىڭ قولا جۇلدەگەرى (2014 ج.)، ق ر كۋبوگىنىڭ جەڭىمپازى (2014 ج. سەمەي)، ق ر كۋبوگىندا ءبىرىنشى ورىن (2015 ج. اتىراۋ ق.)، قازاقستان چەمپيوناتىندا ءۇشىنشى ورىن (2013 ج.)، ەكىنشى ورىن (2016 ج. قاراعاندى). دزيۋدو جانە قازاق كۇرەسىنەن سپورت شەبەرى.

66 كەلى: باقداۋلەت ءسابيتوۆ (06.04.1992 ج. ت.) - سامبودان قازاقستان چەمپيونى (قاراعاندى)، سامبودان ازيا چەمپيونى (2010 ج. تاشكەنت)، دزيۋدودان قازاقستان چەمپيونى (2011 ج.)، دزيۋدودان ستۋدەنتتەر اراسىندا قازاقستان چەمپيونى (2011 ج. الماتى)، قازاق كۇرەسىنەن ازيا چەمپيونى (التاي، ق ح ر 2015 ج.)، دزيۋدودان ەۋروپا كۋبوگىندا ءبىرىنشى ورىن (گەرمانيا برەمەن ق. 2011 ج.)، دزيۋدودان گران-پري ءتۋرنيرىنىڭ قولا جۇلدەگەرى (2013 ج. الماتى)، قازاق كۇرەسىنەن قازاقستان چەمپيوناتىنىڭ ەكى دۇركىن كۇمىس جۇلدەگەرى (2015-2016 ج.ج. اياگوز جانە قاراعاندى). قازاق كۇرەسىنەن حالىقارالىق دارەجەدەگى سپورت شەبەرى، دزيۋدودان سپورت شەبەرى.

74 كەلى: ايدوس عالىموۆ - سامبودان ازيا چەمپيونى (2011 ج. تاشكەنت)، سامبودان ءۇشىنشى ورىن (2011 ج. بولگاريا)، دزيۋدودان جاستار اراسىندا ازيا چەمپيوناتىنىڭ قولا جۇلدەگەرى (2013 ج. حاينان، قىتاي)، قازاق كۇرەسىنەن ازيا چەمپيوناتىنىڭ قولا جۇلدەگەرى (2015 ج. التاي، قىتاي)، قازاق كۇرەسىنەن قازاقستان چەمپيونى (2015, 2016 ج.ج.)، دزيۋدودان جاستار اراسىندا قازاقستان چەمپيوناتىنىڭ جۇلدەگەرى (2013 ج.)، «ەۋرازيا بارىسى» حالىقارالىق ءتۋرنيرىنىڭ جەڭىمپازى (2015 ج. تاراز). دزيۋدو، سامبو جانە قازاق كۇرەسىنەن سپورت شەبەرى.

82 كەلى: داۋلەت پاحريددينوۆ (20.07.1995 ج. ت.) - سامبودان قازاقستان چەمپيونى، سامبودان جاستار اراسىندا الەم چەمپيوناتىنىڭ قولا جۇلدەگەرى (2015 ج. ريگا، لاتۆيا)، قازاق كۇرەسىنەن قازاقستان چەمپيونى (2015-2016 ج.ج.)، بۇكىل الەمدىك كوشپەندىلەر ويىندارىندا قازاق كۇرەسىنەن ءبىرىنشى ورىن، قازاق كۇرەسىنەن الەم چەمپيونى (2016 ج. قىتاي)، قازاق كۇرەسى جانە سامبودان حالىقارالىق دارەجەدەگى سپورت شەبەرى.

90 كەلى: ايبول ايتبەك - (01.10.1992 ج. ت.) - سامبودان الەم چەمپيوناتىنىڭ كۇمىس جۇلدەگەرى (2010 ج. بولگاريا)، دزيۋدودان ەۋروپا كۋبوگىندا ءۇشىنشى ورىن (2010 ج. چەحيا پراگا ق.)، دزيۋدودان قازاقستان چەمپيوناتىنىڭ كۇمىس جۇلدەگەرى (2013 ج. وسكەمەن)، دزيۋدودان قازاقستان چەمپيونى (2014 ج. شىمكەنت)، قازاق كۇرەسىنەن قازاقستان چەمپيوناتىنىڭ قولا جۇلدەگەرى (2015 ج.). اياگوز قازاق كۇرەسىنەن قازاقستان چەمپيونى (2016 ج. قاراعاندى)، «قازاقستان بارىسى» ءتۋرنيرىنىڭ قولا جۇلدەگەرى (2016 ج.) ، قازاق كۇرەسىنەن الەم چەمپيونى (ق ح ر 2016 ج.)، دزيۋدودان قازاقستان چەمپيوناتىنىڭ قولا جۇلدەگەرى (2016 ج.  قىزىلوردا). قازاق كۇرەسىنەن حالىقارالىق دارەجەدەگى سپورت شەبەرى، دزيۋدو جانە سامبودان سپورت شەبەرى.

100 كەلى: مۇحيت تۇرسىنوۆ (22.04.1988 ج. ت.) - قازاق كۇرەسىنەن بەس دۇركىن قازاقستان چەمپيونى (2007, 2010, 2013, 2014 جانە 2016 ج)، قازاق كۇرەسىنەن ازيا چەمپيونى (قىزىلوردا ق. 2009 ج)، ەكى دۇركىن الەم چەمپيونى (2013 ج. مينسك، 2014 ج. ورىنبور)، قازاق كۇرەسىنەن الەم چەمپيوناتىندا ءۇشىنشى ورىن (قىتاي)، كۇرەستەن جابىق عيماراتتاعى ازيا ويىندارىنىڭ كۇمىس جۇلدەگەرى (حانوي، ۆەتنام)، «قازاقستان بارىسى» ءتۋرنيرىنىڭ جەڭىمپازى (2014 ج.)، «ەۋرازيا بارىسى» حالىقارالىق ءتۋرنيرىنىڭ جەڭىمپازى، دزيۋدو جانە سامبودان سپورت شەبەرى، قازاق كۇرەسىنەن حالىقارالىق دارەجەدەگى سپورت شەبەرى.

100+ كەلى: ايبەك نۇعىماروۆ (03.06.1987 ج. ت.) - قازاق كۇرەسىنەن ءتورت دۇركىن الەم چەمپيونى (2010 ج. استانا، 2013 ج. مينسك، بەلورۋسيا، 2014 ج. ورىنبور، رەسەي جانە 2016 ج. قىتاي)، الەم كۋبوگىندا ءبىرىنشى ورىن (2011 ج. پۋنا ق. ءۇندىستان). «قازاقستان بارىسى» ءتۋرنيرىنىڭ جەڭىمپازى (2013 ج. استانا). قازاق كۇرەسىنەن حالىقارالىق دارەجەدەگى سپورت شەبەرى.

اۆتور: كۇنسۇلتان وتارباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى