بايان ماقسات قىزى كىتاپ جازىپ جاتىر
بۇل تۋرالى ول ءوزىنىڭ Instagram-داعى پاراقشاسىندا جازدى، دەپ حابارلايدى قازاقپارات.
بايان ەسەنتايەۆا الەۋمەتتىك جەلىگە ءوزىنىڭ جاس كەزىندەگى فوتوسىن سالىپ، استىنا: «ول كەزدە مەنى نە كۇتىپ تۇرعانىن بىلمەدىم. اڭقاۋ، تازا ءارى مەيىرىمدى قىز بايان. قازىر سەن كىمسىڭ؟ نەدەن ءوتتىڭ، نە بىلەسىڭ، قولىڭنان نە كەلەدى، ويىڭدا نە بار؟ سىزدەرمەن كوپ نارسەمەن بولىسكىم كەلدى. جاقىندا كىتاپ شىعادى. سىزدەرمەن بولىسەرىم بار...»، - دەپ جازدى.
ەسكە سالايىق، بايان ماقسات قىزى شەت ەلدەن قازاقستانعا ورالعان - 10- ماۋسىم كۇنى باقىتبەك ەسەنتايەۆ ونى اۋەجايدان كۇتىپ الىپ، قۇلجا تاس جولىنىڭ بويىندا ۇرىپ-سوعىپ، بىرنەشە جەرىنە پىشاق سالدى. پروديۋسەر اۋىر جاراقاتتارمەن تالعار اۋدانىنداعى اۋرۋحاناعا تۇسكەن بولاتىن. ونى ولتىرمەك بولدى دەگەن كۇدىكپەن كۇيەۋى باقىتبەك ەسەنتايەۆ ۇستالىپ، قاماۋعا الىندى.
18- قازان كۇنى الماتى وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىندا باقىتبەك ەسەنتايەۆقا قاتىستى العاشقى سوت پروتسەسى باستالدى.
ناتيجەسىندە، ەسەنتايەۆ 9 جىلعا باس بوستاندىعىنان ايىرىلدى. ول سوڭعى سوزىندە ءوزىنىڭ كىنالى ەمەستىگىن ايتتى. ال بايان ماقسات قىزى بۇرىنعى كۇيەۋىن تولىقتاي كەشىرىپ، سوتتان باقىتبەكتى باس بوستاندىعىنان ايىرماۋدى وتىنگەن ەدى.
