شىمكەنتتە اۆتوبۋس شىعارىلاتىن بولدى

قالا باسشىلىعى دايىن ماشينالاردى سىرتتان اكەلگەنشە، قوعامدىق كولىك بولشەكتەرىن قۇراستىرامىز دەگەن توقتامعا كەلگەن. بۇل ءدال سول زاۋىتتا قۇراستىرىلعان جەڭىل اۆتوكولىكتەردى %30 عا تومەن باعادا ساتىپ الۋعا جانە اۆتوبۋستاردىڭ ىستەن شىققان بولشەكتەرىن وڭاي الماستىرۋعا مۇمكىندىك بەرەدى.

جەرگىلىكتى زاۋىتتىڭ باستى سەرىكتەسى «مەرسەدەس» نەمىس اۆتوكومپانياسى بولادى. زاۋىت جىلىنا 100-150 اۆتوبۋس شىعارۋدى جوسپارلاۋدا. قازىرشە كاسىپورىنعا 1 ميلليون دوللار قارجى قۇيىلعان. كەلەسى جىلى زاۋىت باسشىلىعى سەرۆيستىك ورتالىق قۇرماقشى. بۇل كاسىپورىن 100 ادامنان جوعارى ادامدى جۇمىسپەن قامتاماسىز ەتە الادى.

الايدا، زاۋىت قازىر قالالىق اكىمدىكتىڭ قولداۋى مەن ىنتىماقتاستىعىنا ءزارۋ. بۇل اۆتوبۋستار - الەۋمەتتىك جوبا بولىپ تابىلادى. سونداي- اق، مۇگەدەكتەرگە ارنالعان ەۋروپالىق ۇلگىدەگى ارنايى اۆتوبۋستار دا جاسالىنادى. «قازىر بىزگە «مەرسەدەس» نەمىس كومپانياسىنىڭ وكىلى كەلىپ، كەلىسسوزدەر جۇرگىزۋدەمىز. ولار بىزبەن بىرگە جۇمىس جاساۋعا دايىن ەكەندەرىن ايتتى. اۆتوبۋستار ەكولوگيالىق نورمالارعا ساي بولادى. قازىر اۆتوبۋستاردىڭ ۇلگىلەرى تاڭدالۋدا، بەكىتىلگەنىن كۇتۋدەمىز»، - دەپ ءتۇسىندىردى «كازبەلتەحنيكا» ساۋدا ءۇيىنىڭ باس ديرەكتورى باقىت جاسۇزاقوۆ.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى