پان گي مۋن اشحابادتاعى ب ۇ ۇ عيماراتىن كورىپ شوشىپ كەتتى
جاڭا عيماراتتىڭ اشىلۋ سالتاناتىنا حالىقارالىق ۇيىمداردىڭ وكىلدەرى، تۇراقتى كولىك جونىندەگى جاھاندىق كونفەرەنسياعا قاتىسۋشىلار، سونداي-اق وتاندىق جانە شەتەلدىك جۋرناليستەر قاتىستى.
تۇركىمەن پرەزيدەنتى «تۇركىمەنستان مەن ب ۇ ۇ اراسىنداعى ارىپتەستىكتىڭ جاڭا كەزەڭىن باستاۋعا نەگىز بولعان وقيعانىڭ تاريحي ماڭىزدىلىعىنا» توقتالدى. ول تۇركىمەنستاننىڭ الەمدىك ديپلوماتيا الاڭىنا اينالعان ب ۇ ۇ- مەن قارىم- قاتىناسىن جالعاستىرا بەرۋگە ۇمتىلاتىنىن اتاپ ءوتتى.
ب ۇ ۇ باس حاتشىسى پان گي مۋن كوپتەگەن ەلدەردە بولعانىن جانە ءار ەلدە ب ۇ ۇ عيماراتى ءارتۇرلى ەكەنىن، سولاردىڭ ىشىندە اشحابادتاعى وكىلدىلىك «سارايعا ۇقسايتىنىن» ايتتى. «بۇل ەڭ ساۋلەتتى، ەڭ اسەم عيمارات. مەن تاعى دا العىسىمدى بىلدىرەمىن، پرەزيدەنت مىرزا»، - دەدى باس حاتشى. بۇعان قوسا، ول بۇل عيماراتتىڭ ب ۇ ۇ- نىڭ الەمدەگى باسقا دا عيماراتتارىنا ۇلگى ەكەنىن اتاپ ءوتتى.
جاڭا عيماراتتىڭ اشىلۋ سالتاناتىنىڭ سوڭىندا پرەزيدەنت بەردىمۇحامەدوۆ ب ۇ ۇ وكىلدىلىگىنە جاڭا اۆتوكولىكتىڭ كىلتىن تاپسىردى.
