قازاقستاندا جۇمىس ىزدەستىرۋدىڭ ءبىرىڭعاي بازاسى قۇرىلادى
دەپ حابارلايدى قازاقپارات.
ونىڭ سوزىنە قاراعاندا، بۇگىندە ەلىمىزدە جۇمىسپەن قامتۋعا جاردەمدەسەتىن ونداعان ولاين جەلىلەر بار، الايدا ەڭبەك نارىعىنىڭ سۇرانىسى مەن ۇسىنىسىنىڭ بارلىق كوزدەرىن بىرىكتىرەتىن ەشبىر پورتال ىسكە قوسىلماعان.
«وسىعان بايلانىستى جۇمىس ىزدەۋشى مەن جۇمىس بەرۋشىلەر ءۇشىن پەرسونالدى ىرىكتەۋگە كومەكتەسۋگە ەڭبەك نارىعىنىڭ جانە ەڭبەك بيرجاسىنىڭ ءبىرىڭعاي اقپاراتتىق بازاسىن قۇرۋ ۇسىنىلادى. اتالعان جۇمىس ءبىزدىڭ مينيسترلىكتىڭ قولدانىستاعى enbek.kz تۇعىرناماسى بازاسىندا ىسكە اسىرىلادى»، - دەدى مينيستر.
بەلگىلى بولعانداي، ەڭبەك بيرجاسى الەۋمەتتىك- ەڭبەك سالاسىن، مەملەكەتتىك ورگانداردىڭ اقپاراتتىق جۇيەسىن، كەلىسىمشارتتىق نەگىزدە جالداۋ بويىنشا جەكە اگەنتتىكتەردىڭ دەرەكتەر بازاسىن، ينتەرنەت- پورتالدى قامتيدى. وعان وڭىرلەردەگى بارلىق جۇمىسپەن قامتۋ ورتالىقتارى قوسىلىپ، جۇمىسقا تۇرۋ بويىنشا قىزمەت كورسەتۋ مۇمكىندىكتەرىن كەڭەيتەدى. ت. دۇيسەنوۆانىڭ ايتۋىنشا، باعدارلاما اياسىندا مەملەكەت تاراپىنان سۋبسيديالاناتىن جۇمىس ورىندارى قۇرۋ نەگىزىندە جاستاردى، ايەلدەردى، مۇمكىندىگى شەكتەۋلى ادامداردى جۇمىسپەن قامتۋ ۇسىنىلادى.
