كيىك اتقان براكونەرلەر مەملەكەتكە ميللياردتاعان شىعىن اكەلۋدە

بۇل تۋرالى بۇگىن ق ر پارلامەنتى ماجىلىسىندە ءوتىپ جاتقان «وسىمدىكتەر مەن جانۋارلار دۇنيەسىن قورعاۋدىڭ، ءوسىمىن مولايتۋدىڭ جانە ولاردىڭ وبەكتىلەرىن ورنىقتى پايدالانۋدىڭ وزەكتى ماسەلەلەرى» تاقىرىبىندا ءوتىپ جاتقان «دوڭگەلەك ۇستەل» بارىسىندا ق ر ءى ءى م تەرگەۋ دەپارتامەنتىنىڭ باسقارما باستىعىنىڭ ورىنباسارى مۇرات قورجىنبايەۆ ءمالىم ەتتى، دەپ حابارلايدى قازاقپارات.

«كيىكتەرگە براكونەرلىك ەڭ وزەكتى پروبلەمالاردىڭ ءبىرى بولىپ وتىر. ماسەلەن، 2013-2015-جىلدار ارالىعىندا ىشكى ىستەر ورگاندارىندا كيىكتەرگە زاڭسىز اڭشىلىقتىڭ كوپتەگەن فاكتىلەرى تىركەلىپ، براكونەرلەر 1 مىڭنان استام كيىكتى جويعان. 4,5 مىڭنان استام كيىك ءمۇيىزى تاركىلەنگەن. سوت ۇكىمەن 264 ادام سوتتالدى. اتالعان ءۇش جىلداعى كەلتىرىلگەن شىعىن 1 ميلليارد تەڭدەگەن اسادى»، - دەدى ول.

ونىڭ سوزىنە قاراعاندا، اعىمداعى جىلدىڭ 10 ايىنىڭ ىشىندە دە ىشكى ىستەر ورگاندارىنىڭ سوتقا دەيىنگى تەرگەۋدىڭ ءبىرىڭعاي تىزىلىمىنە كيىكتەردىڭ ءمۇيىزىن زاڭسىز ساتۋ جانە ساتىپ الۋ بويىنشا براكونەرلىكتىڭ 47 فاكتىسى تىركەلگەن. «اتالعان فاكتىلەر بويىنشا 55 ادام ۇستالدى. ولاردان 214 كيىكتىڭ تۇتاس ەتى، 1222 كيىك ءمۇيىزى تابىلدى. سوتقا 13 قىلمىستىق ءىس جىبەرىلدى»، - دەدى قورجىنبايەۆ.

اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى