وڭتۇستىك قازاقستان ءوڭىرى قىلمىستىق الەمىنىڭ سەركەلەرى سوتتالدى
سوتتا انىقتالعانداي، وڭتۇستىك وڭىرىندەگى قىلمىستىق ورتادا «يەسكا» لاقاپ اتىمەن تانىمال ج. بارتەكەيەۆ جانە ونىڭ قولشوقپارلارى س. جاپاشيەۆ پەن م. ورمانوۆ ۇيىمداسقان توپ بولىپ، قورقىتۋ ارقىلى جەكە كاسىپكەرلەردەن اسا ءىرى مولشەردەگى مۇلىكتەر تالاپ ەتكەن. سونىمەن قاتار، ج. بارتەكەيەۆ ترانسۇلتتىق قىلمىستىق ۇيىمنىڭ قىزمەتىن قارجىلاندىرعان، ياعني «جورا تاشكەنسكي» لاقاپ اتىمەن تانىمال بولعان قىلمىستىق الەمنىڭ سەركەسىنە 10000 ا ق ش دوللارىن اۋدارعان.
سوت ۇكىمىمەن ج. بارتەكەيەۆ قازاقستان رەسپۋبليكاسى ق ك- نىڭ 194-بابىنىڭ 4-بولىگىنىڭ 1,2-تارماقتارىمەن، 262-بابىنىڭ 1-بولىگىمەن، 287-بابىنىڭ 2-بولىگىمەن، 399-بابىنىڭ 1-بولىگىمەن جانە قازاقستان رەسپۋبليكاسى ق ك- نىڭ 235-4-بابىنىڭ 1-بولىگىمەن (ەسكى رەداكسياداعى) كىنالى دەپ تانىلىپ، 13 جىلعا باس بوستاندىعىنان ايىرىلدى. س. جاپاشەۆ قازاقستان رەسپۋبليكاسى ق ك-نىڭ 115-بابىمەن، 262-بابىنىڭ 2-بولىگىمەن، 194-بابىنىڭ 4-بولىگى 1,2-تارماقتارىمەن كىنالى دەپ تانىلىپ، 11 جىلعا باس بوستاندىعىنان ايىرىلدى. ولارعا جازالارىن تۇزەۋ كولونياسىنىڭ قاتاڭ رەجيمىندە وتەۋ بەلگىلەندى.
م. ورمانوۆ قازاقستان رەسپۋبليكاسى قك- ءنىڭ 115-بابىمەن، 262-بابىنىڭ 2-بولىگىمەن كىنالى دەپ تانىلىپ، 6 جىل 8 ايعا باس بوستاندىعىنان ايىرىلدى. م. ورمانوۆقا جازاسىن تۇزەۋ كولونياسىنىڭ جالپى رەجيمىندە وتەۋ بەلگىلەندى. ۇكىم زاڭدى كۇشىنە ەنبەگەن.
