كەڭەس وداعىنىڭ ىدىراۋى تابيعي پروتسەسس بولدى - نازاربايەۆ

بۇل تۋرالى «روسسيا 24» تەلەارناسىنا سۇحبات بەرگەن مەملەكەت باسشىسى نۇرسۇلتان نازاربايەۆ ءمالىم ەتتى، دەپ حابارلايدى قازاقپارات.

«وتكەنىمىزدىڭ جاقسى نەمە جامان بولۋى بۇل ەندىگى ۋاقىتتا تاريح ەنشىسىندە. تاريحتى قايتا جاساي المايسىڭ جانە شارتتى راي بۇل رەتتە ورىنسىز. مەن ادامداردىڭ بارلىق تالقىلاۋلارىن وقيمىن، ەستيمىن. ماعان ءار ۋاقىتتا دا وسى ساۋالدى قوياتىندىقتارىن دا تۇسىنەمىن. مەن سول ۋاقىتتاعى داۋىلدىڭ ورتاسىندا قالدىم دەسەم دە بولادى. بارلىعىن ءوز كوزىممەن كوردىم، سەزىندىم. ارينە، ۋايىمدادىم دا. ەگەر سىزدەردىڭ ەستەرىڭىزدە بولسا، وسىناۋ بۋىرقانعان پىكىرتالاستار سوڭعى جىلدارى حالىق دەپۋتاتتارى سەزىندە ءجۇرىپ جاتقان كەزدە ورتالىق ازيا مەن قازاقستاننىڭ دەپۋتتارى رەفورمالار مەن كەڭەس وداعىن ساقتاپ قالۋ جاعىندا بولعان ەدى. وسىلاي بولدى، ويتكەنى قارىم- قاتىناس سونداي ەدى. تۇرلىشە ايتىپ، جورامالدارعا ەرىك بەرۋگە بولادى. ءبىراق، وداقتىڭ ىدىراۋى بۇل تابيعي پروتسەسس»، - دەدى نازاربايەۆ.

وسى رەتتە مەملەكەت باسشىسى باسەكەلەستىككە شىداي المايتىن كومپانيالاردىڭ بارىنشا تابىستى كومپانيالارعا جۇتىلىپ كەتەتىندىگىن مىسالعا كەلتىردى. ەلباسىنىڭ اتاپ وتۋىنشە، كەڭەس وداعى بارلىق سوعىستاردا جەڭىسكە جەتكەنىمەن، جاھاندىق ەكونوميكا جارىسىندا ونىڭ ەكونوميكالىق رەسۋرستارى جەتىسپەدى جانە سونىڭ سالدارىنان ك س ر و- نىڭ ساياسي جاعدايى جەڭىلىسكە ۇشىرادى.

اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى