تانىمال «نۇر-مۇقاسان» دۋەتى تاراپ كەتتى
توپ ءانشىسى مۇقاسان شاحزادايەۆ قازىرگى تاڭدا نۇرلان قونىسبايەۆتىڭ قايدا جانە نەمەن اينالىسىپ جۇرگەنىنەن بەيحابار ەكەنىن مالىمدەدى.
بۇل تۋرالى «استانا» تەلەارناسىنىڭ «ەل اۋزىندا» باعدارلاماسىندا ايتىلدى.
«نۇرلان قازىر ءوز شىعارماشىلىعىمەن، مەن ءوز شىعارماشىلىعىممەن اينالىسىپ جاتىرمىن. بۇعان دەيىن دە ايتىلعان بولاتىن. بۇل تەك نۇرلان ەكەۋمىزدىڭ ارامىزداعى اڭگىمە. ونى جارنامالاعىم كەلمەيدى. 26 جىلدىڭ ىشىندە ءبىر-ءبىرىمىزدى كەشىرمەيتىندەي جاعداي بولعان ەمەس، دەسە دە كىشىگىرىم تۇسىنىسپەۋشىلىكتەر بولدى. ءبىر جاعى 26 جىل قاتتى كەتپەي، شىداپ كەلگەن سياقتىمىز. قازىر نۇرلان جايلى ەشتەڭە ايتا المايمىن. بەيحابارمىن. توسىن-سىي ازىرلەپ جاتقان شىعار، ءبىر كۇنى جارق ەتىپ شىعا كەلۋى دە مۇمكىن. ول ءوزى توسىن- سىي جاساعاندى جاقسى كورەتىن ادام»، - دەدى مۇقاسان شاحزادايەۆ.
