رەسەيدىڭ مەملەكەتتىك باسقارۋشى قىزمەتكەرلەرى قازاقستانعا وقۋعا كەلدى

  دەپ حابارلايدى قازاقپارات.

اتاپ ايتقاندا، تاعىلىمدامادان ءوتۋ باعدارلاماسىنا ماسكەۋ، سانكت- پەتەربور، حاكاسيا رەسپۋبليكاسىنىڭ، قالماق رەسپۋبليكاسىنىڭ، ساحا رەسپۋبليكاسىنىڭ جانە نوۆوءسىبىر، قورعان، كالينينگراد وبلىستارى مەن رەسەي فەدەراتسياسىنىڭ باسقا دا وڭىرلەرىنەن 30 مەملەكەتتىك قىزمەتشى قاتىسۋدا.

 باعدارلاما ماقساتى - رەسەي فەدەراتسياسىنىڭ مەملەكەتتىك قىزمەتشىلەرىن مەملەكەتتىك باسقارۋ جانە مەملەكەتتىك قىزمەت سالاسىنداعى قازاقستان رەسپۋبليكاسىنىڭ تاجىريبەسىمەن تانىستىرۋ. وسى تۇستا تاعى ءبىر ايتا كەتەرلىك جايت، تاعىلىمدامادان ءوتۋ باعدارلاماسى رەسەي تاراپىنىڭ سۇرانىسىنا بايلانىستى ۇيىمداستىرىلۋدا. باعدارلاما بارىسىندا قازاقستان رەسپۋبليكاسىنىڭ ەكونوميكالىق ساياساتتى قالىپتاستىرۋ جانە ىسكە اسىرۋ ىسىمەن، سونىمەن قاتار، مەم باسقارۋ تاجىريبەسى جانە تۇراقتى دامۋ ساياساتى بارىسىمەن تانىسۋ قاراستىرىلاتىن بولادى.

 تاعىلىمدامادان ءوتۋ ءىس- شارالارى بارىسىندا رەسەي تاراپى، قازاقستان رەسپۋبليكاسىنىڭ مەملەكەتتىك قىزمەت ىستەرى جانە سىبايلاس جەمقورلىققا قارسى ءىس- قيمىل اگەنتتىگىنىڭ، ق ر ءبىلىم جانە عىلىم مينيسترلىگىنىڭ، ق ر ينۆەستيتسيالار جانە دامۋ مينيسترلىگىنىڭ، قازاقستاندىق مەملەكەتتىك- جەكە مەنشىك ارىپتەستىك ورتالىعىنىڭ، «حالىقارالىق باعدارلامالار ورتالىعى» ا ق، مەملەكەتتىك كورپوراتسيانىڭ، «ۇكىمەت- ازاماتتار ءۇشىن»، «ەكونوميكالىق زەرتتەۋلەر ينستيتۋتى»، سونداي- اق باسقا ۇيىمداردىڭ وكىلدەرىمەن كەزدەسەدى. مۇنىمەن قوسا، حالىققا قىزمەت كورسەتۋ ورتالىقتارىندا وقىتۋ شارالارى جوسپارلانۋدا.

اۆتور: رۋسلان عابباسوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى