ا. ساعيتوۆ قىتايمەن بىرلەسكەن ءبىلىم بەرۋ بولىمشەلەرىن اشۋدى ۇسىندى
ق ر ا ش م باسپا ءسوز قىزمەتىنىڭ حابارلاۋىنشا، قازاقستان تاراپىنان ءسوز العان «جازكەن جيەمبايەۆ اتىنداعى قازاق وسىمدىك قورعاۋ جانە كارانتين عىلىمي- زەرتتەۋ ينستيتۋتى» ج ش س باس ديرەكتورى ا. ساعيتوۆ ءوز بايانداماسىندا ەڭ الدىمەن، بىرلەسكەن ءبىلىم بەرۋ جانە عىلىمي- زەرتتەۋ بولىمشەلەرىن اشۋ كەرەكتىگىن ايتتى.
«عىلىمي- ءبىلىم بەرۋ كەشەندەرىن، عىلىمي ورتالىقتار مەن كافەدرا فيليالدار جەلىسىن دامىتۋ كەرەك. وسىنىڭ اياسىندا عىلىمي- وندىرىستىك، يننوۆاتسيالىق قۇرىلىمداردى، ياعني، تەحنوپاركتەر، يننوۆاتسيالىق- تەحنولوگيالىق ورتالىقتار اشىلۋعا ءتيىس»، - دەدى ول.
عالىمنىڭ ايتۋىنشا، بىرلەسكەن عىلىمي- تەحنيكالىق جۇمىستارعا جاۋاپكەرشىلىگى جوعارى ءارى تاجىريبەلى مامانداردى تارتا وتىرىپ، عالىمداردىڭ وندىرىستىك- باۋلۋ تاعىلىمدامالاردان ءوتۋىن جولعا قويعان ءجون.
سونداي- اق، ا. ساعيتوۆ تاجىريبەلىك- ەكسپەريمەنتتىك جانە لابوراتوريالىق زەرتتەۋ كەشەندەرىن كەڭ اۋقىمدا قولدانۋ ءۇشىن كۇش بىرىكتىرۋدى ۇسىندى.
«عىلىمي- پراكتيكالىق كونفەرەنسيالار مەن سەمينارلاردى بىرلەسىپ ۇيىمداستىرۋعا شاقىرامىن. باسپا قىزمەتىندە دە عىلىمي ادەبيەتتەردى بىرلەسە ازىرلەپ، جاريالاساق نۇر ۇستىنە نۇر»، - دەپ تۇيىندەدى عالىم.
