وزبەكستاندا اجىراسۋعا تىيىم سالىنادى
بۇل تۋرالى «وزودليك» پورتالى حابارلادى. بۇل باستاما تاشكەنت اكىمى راحمانبەك وسمانوۆتىڭ بايانداماسىنان كەيىن قولعا الىندى. ول 13- قازان كۇنى جاساعان مالىمدەمەسىندە: «تاشكەنتتىك باسشىلاردىڭ ەڭ باستى ماقساتى - بۇل اجىراسۋلاردى ازايتۋ» دەگەن بولاتىن.
جۇبايلار اجىراسۋعا ءوتىنىش بەرگەننەن كەيىن ءتيىستى وتەم اقىلارىن تولەيدى. ودان كەيىن ماحاللا كوميتەتى مەن ايەلدەر كوميتەتىنىڭ وكىلدەرى ولارمەن جۇمىس جاسايدى. ەگەر دە ارالارىندا بالالارى بولسا، وندا الدىمەن جارتى جىل بەرىلەدى. سودان سوڭ تاعى دا سوڭعى ءارى ناقتى شەشىم قابىلداۋ ءۇشىن 3 اي بەرىلەدى. ءبىراق، سوت شەشىمىنىڭ قاشان قابىلداناتىنى ايتىلمايدى» دەلىنگەن.
سونداي-اق، تاشكەنتتىك باسشىلار اجىراسۋمەن كۇرەس ماقساتىندا تەلەەفيردەن اجىراسقانداردىڭ اتى-ءجونىن اتاپ وتىرۋدى ءجون كورىپتى. ال ەگەر بۇدان دا ناتيجە شىقپاسا، وندا ولاردىڭ سۋرەتتەرىمەن بىرگە كورسەتەتىندىكتەرىن مالىمدەدى، دەپ جازادى muslim.kz.
