اسقار مامين بەيجىڭدە قىتايدىڭ بيزنەسمەندەرىمەن كەزدەستى
ا. مامين «Cathay Industrial Biotech Ltd.» باسقارما ءتوراعاسى ليۋ سيۋتساي،
«Shaanxi Jingshengyu Fucha» باسشىسى ما حەنگۋان،
سونىمەن قاتار «Naga Corp. Ltd» باسشىلىعىمەن ىنتىماقتاستىقتىڭ بولاشاعى مەن بىرلەسكەن جوبالاردى ىسكە اسىرۋ جايىن تالقىلادى.
«Cathay Industrial Biotech Ltd»باسشىمەن كەزدەسۋ بۇل 2016 -جىلى قىركۇيەكتىڭ باسىندا باقىتجان ساعىنتايەۆ شاڭحايدا جۇرگىزگەن كەلىسسوزدەردىڭ جالعاسى. سول كەزدە ول ىنتىماقتاستىققا ىقىلاس تانىتىپ جانە قازاقستان اۋماعىندا بيدايدان جانە جۇگەرىدەن توقىما ءوندىرىسى بويىنشا زاۋىت قۇرىلىسىنىڭ مۇمكىندىگىن قاراستىرۋدى ۇسىنعان بولاتىن.
«ءبىز بۇگىن ا. مامينمەن كەزدەسۋدىڭ ناتيجەسىنە كوڭىلىمىز تولادى. بىرىنشىدەن، ءبىز شىنجاڭ ۇيعىر اۆتونوميالىق ولكەسىنىڭ ۋسۋ قالاسىنداعى زاۋىتىمىزعا قازاقستاننىڭ ازىق- تۇلىكتىك ەمەس بيدايىن جەتكىزۋ جايىن ەگجەي- تەگجەيلى تالقىلادىق. ەكىنشىدەن، قازاقستان اۋماعىندا توقىما ءوندىرىسى بويىنشا بىرلەسكەن زاۋىت قۇرىلىسى ماسەلەسىن قاراستىردىق»، - دەدى قازاقپاراتقا بەرگەن سۇحباتىندا «Cathay Industrial Biotech Ltd» كومانياسىنىڭ باسقارما ءتوراعاسى ليۋ سيۋتساي.
«Shaanxi Jingshengyu Fucha» ءشانشي پروۆينتسياسىنداعى سيانيان قالاسىندا ورنالاسقان، شاي ءوندىرىسى مەن ينۆەستيتسيايالىق جوبالار بويىنشا ماماندانعان.
«Naga Corp. Ltd» قۇرىلىسپەن جانە ويىن- ساۋىققا باعىتتالعان كۋرورتتاردى دامىتۋىمەن اينالىسادى. ونىڭ اكسيا شياڭگاڭنىڭ قور بيرجاسىندا قويىلعان، نارىقتىق قۇنى شامامەن 1,5 ميلليارد دوللار.
