ادىلەت قۇرمەتوۆ ازۋلى قارسىلاسى سافيۋلليندى سان سوقتىردى

بۇل سالماق ساناتىنىڭ فينالدىق كەزدەسۋىندە وڭتۇستىك قازاقستاندىق زاكير سافيۋللين مەن شىعىس قازاقستاندىق ادىلەت قۇرمەتوۆ ايقاستى. جەكپە- جەك قورىتىندىسىندا قۇرمەتوۆ قارسىلاسىنان باسىم ءتۇسىپ، قازاقستان چەمپيونى اتاعىن جەڭىپ الدى.

ايتا كەتەيىك، بۇعان دەيىن 49 كەلىدە تەمىرتاس ءجۇسىپوۆ، 52 كەلىدە ازامات يساقۇلوۆ جانە 56 كەلىدە قايرات ەراليەۆ چەمپيوندىق اتاققا قول جەتكىزگەن بولاتىن.

 «2010 -جىلى اتىراۋ قالاسىندا وتكەن ەل چەمپيوناتىندا 52 كەلى سالماق ساناتىندا چەمپيون اتانعان ەدىم. ەندى مىنە پاۆلودار قالاسىندا 60 كەلى سالماق ساناتىندا جەڭىسكە جەتتىم. وتە قيىن بولدى، دايىندالدىق. وسى رەتتە شىعىس قازاقستان وبلىستىق سپورت باسقارماسىنا وقۋ- جاتتىعۋ جيىندارىنا جىبەرىپ، شىڭدالۋىما كومەك قولىن سوزعاندارى ءۇشىن راحمەتىمدى ايتامىن. باپكەرلەر جيناقى، قولدى جوعارى ۇستاپ جۇدىرىقتاس دەدى. وسى نۇسقاۋدى ورىنداپ، جەڭىسكە جەتىپ وتىرمىن»، - دەيدى قازاقستان چەمپيونى قۇرمەتوۆ.

فوتو: vesti.kz

اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى