قۇقىق قورعاۋ ورگاندارى اكادەمياسىندا رەسپۋبليكالىق وقۋ- ادىستەمەلىك بىرلەستىگىنىڭ وتىرىسى ءوتتى
ماجىلىسكە قۇقىق قورعاۋ ورگاندارىنىڭ، جوعارى وقۋ ورىندارىنىڭ، ۆەدومستۆولىق ءبىلىم بەرۋ مەكەمەلەرىنىڭ وكىلدەرى، سونداي- اق جەتەكشى عالىمدار مەن ساراپشىلار قاتىستى.
وتىرىستا كريميناليستيكالىق پوليگون جاعدايىندا پراكتيكالىق ساباقتاردى وتكىزۋدىڭ جاڭا ادىستەمەلەرى، وقۋ پروتسەسىن ادىستەمەلىك قامتاماسىز ەتۋدى جەتىلدىرۋ، قۇقىق قورعاۋ ورگاندارى ءۇشىن زاڭ كادرلارىن دايىنداۋدىڭ جاڭا مودەلى ماسەلەلەرى قاراستىرىلدى.
«قۇقىق قورعاۋ قىزمەتى» ماماندىعى بويىنشا ۇلگىلىك وقۋ باعدارلامالارى بەكىتىلدى، سونداي- اق ءبىرقاتار ۇيىمداستىرۋشىلىق ماسەلەلەر شەشىلدى.
سونىمەن قاتار، «ۇزدىك وقۋلىق»، «ۇزدىك مونوگرافيا»، «ۇزدىك دوتسەنت»، «قۇقىق قورعاۋ قىزمەتى» ماماندىعى، سونداي- اق «ۇزدىك وقىتۋشى»، «ۇزدىك جاس عالىم» نوميناتسيالارى بويىنشا جوعارى وقۋ ورىندارى اراسىنداعى بايقاۋدىڭ جەڭىمپازدارى انىقتالدى. وقۋ- ادىستەمەلىك بىرلەستىگىنە مۇشە جوعارى وقۋ ورىندارى اراسىنداعى جىل سايىنعى بايقاۋ پروفەسسورلىق- وقىتۋشىلىق قۇرامدى مورالدىك ىنتالاندىرۋ، وقىتۋدىڭ وقۋ- ادىستەمەلىك جۇيەسىن جەتىلدىرۋ جانە اۆتورلاردى قاجەتتى وقۋ ادەبيەتىن دايىنداۋعا ىنتالاندىرۋ ماقساتىندا وتكىزىلەتىنى اتالىپ ءوتىلدى.
وتىرىس جۇمىسىن قورىتىندىلاعان ۇ. بايجانوۆ قارالعان ماسەلەلەردى سىندارلى جانە جەمىستى تالقىلاعاندارى ءۇشىن قاتىسۋشىلارعا ريزاشىلىعىن ءبىلدىرىپ، ودان ءارى جەمىستى ىنتىماقتاستىق تىلەدى، دەپ حابارلايدى قۇقىق قورعاۋ ورگاندارى اكادەمياسىنىڭ باسپا ءسوز قىزىمەتى.
