قازاقفيلم قىتاي كينوستۋدياسىمەن بىرلەسىپ تۇسىرەدى دەلىنگەن فيلمگە بايلانىستى تۇسىنىكتەمە بەردى
ەسكە سالا كەتسەك، قىتايلىق news.sina.com سايتى «قازاقفيلم» اق مەن «باتىس قىتاي فيلم» كورپوراتسياسى بىرلەسىپ، «ماحاببات وتكەلدەرى» اتتى رومانتيكالىق كومەديا جانرىندا فيلم تۇسىرەتىندىگى تۋرالى حابارلاعان بولاتىن. تۋىندىعا قىتاي ازاماتى مەن قازاق قىزىنىڭ اراسىنداعى ماحاببات ارقاۋ بولاتىندىعى ايتىلعان ەدى. بۇل الەۋمەتتىك جەلىدە قىزۋ تالقىلانىپ جاتىر.
وسىعان بايلانىستى، «قازاقفيلم» ا ق باسپا ءسوز قىزمەتى «قازاقفيلم» ا ق قىتايلىق كينەماتوگرافيستەرمەن مەموراندۋمعا قول قويىلعانىن، ءبىراق ازىرگە ناقتى جوبالاردىڭ تالقىلانباعانىن حابارلادى. «قازىرگى ۋاقىتتا قازاقفيلمنىڭ قىتايمەن بىرلەسكەن ءبىر عانا جوباسى بار - ول ءبىر كەزدەرى ك س ر و- دا ءومىر ءسۇرىپ، قىزمەت اتقارعان تالانتتى قىتايلىق كومپوزيتور سي سينحاي تۋرالى «كومپوزيتور» فيلمى (ونىڭ ەسىمى الماتى مەن استانا كوشەلەرىنە بەرىلگەن) » ، - دەلىنگەن باسپا ءسوز قىزمەتىنىڭ حابارلاماسىندا.
