قازاقستان حالقى فيدەل كاسترونى تاريحي تۇلعا رەتىندە ەسىندە ساقتايتىن بولادى - نازاربايەۆ
بۇل تۋرالى اقوردانىڭ باسپا ءسوز قىزمەتى حابارلايدى. جەدەلحاتتا قازاقستان پرەزيدەنتى كۋبا ريەۆوليۋتسياسى كوشباسشىسىنىڭ دۇنيەدەن وتكەنى تۋرالى حاباردى زور كۇيزەلىسپەن قابىلداعانى اتاپ وتىلگەن.
«قازاقستان حالقى كوماندانتە فيدەل كاسترونى پاراساتتى باسشى، بەدەلدى ساياساتكەر جانە ەكىجاقتى ىنتىماقتاستىقتى نىعايتۋعا زور ەڭبەك سىڭىرگەن تاريحي تۇلعا رەتىندە ەسىندە ساقتايتىن بولادى»، - دەلىنگەن كوڭىل ايتۋ جەدەلحاتىندا.
نۇرسۇلتان نازاربايەۆ قازاقستان حالقىنىڭ جانە جەكە ءوزىنىڭ اتىنان دوستىق پەيىلدەگى كۋبا رەسپۋبليكاسىنىڭ حالقىنا كوڭىل ايتتى.
