قازاق بايلارى جاسىرعان ميلليوندارىن دەرەۋ زاڭداستىرۋعا كىرىسكەن

كەشە شەتەلدە بايلىعىن جاسىرعان قازاق وليگارحتارىنىڭ قانشا اقشاسى ەلگە قايتارىلعانىن ايتقان قارجى مينيسترلىگى، ناۋقاننىڭ اياقتالۋىنا نەبارى ءبىر اي قالعانىن ەسكەرتە كەتتى، - دەپ حابارلايدى «ك ت ك» ارناسى.

وسى ساناۋلى كۇندەردە قىمبات ۇيلەردى ايتپاعاندا، شەتەل بانكتەرىندەگى جاسىرىن اقشا، جەر تەلىمدەرى، وففشورلىق شوتتار قازاقستانعا اۋدارىلۋى ءتيىس. قازىر زاڭسىز اقشاسىن مۇحيت اسىرىپ، مۇلىكتى تۋىستارىنا جازعاندار جانتالاسىپ جاتىر ەكەن. ءبىرازى بىرىككەن اراب امىرلىكتەرى، يسپانيا، ۆەنگرياداعى ۆيللالارىن زاڭداستىرىپ ۇلگەرگەن. ولاردىڭ اتى-جوندەرى جاسىرىن قالىپ، جاۋاپقا تارتىلمايتىنىنا مەملەكەت كەپىلدىك بەرىپ وتىر.

ال، دۇنيە مۇلكىن جاريا ەتۋدەن باس تارتقاندار جاۋاپقا تارتىلىپ ءىرى ايىپپۇل ارقالايدى. دەگەنمەن، بۇدان ۇرلاعان اقشاسىن شەتەلگە تىعاتىن قارجى الاياقتارى ازايمايدى دەيدى جاۋاپتىلار.

«كولەڭكەدە جاتقان كاپيتالدى قايتارۋ ءۇشىن زاڭداستىرۋ ناۋقانىن قانشا جۇرگىزسەك تە بۇل 100 پايىز ناتيجە بەرمەيدى. ويتكەنى، ەلدىڭ اقشاسىن ۇرلايتىن قارجى الاياقتارى قاشان دا تابىلادى. بۇل ۇزدىكسىز جۇرەتىن پروتسەسس. ءبىراق، ۇرلانعان ميللياردتاردى بارىنشا قايتارۋعا تىرىسامىز»، -  دەيدى ق ر قارجى ۆيتسە-ءمينيسترى ارداق تەڭگەبايەۆ.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى